Aktual mövzular: Dollar alış-satışı, Neftin qiyməti, COP29, Hava proqnozu

Yeni böhran zonası: ABŞ ora qoşun yeritdi

Yeni böhran zonası: ABŞ ora qoşun yeritdi

Tarix: 18 Sentyabr 2024 23:32

Rusiyanın ABŞ-ın Alyaska bölgəsində son vaxtlar artan hərbi fəaliyyətinə cavab olaraq ABŞ ordusu bu bölgəyə qoşun yeridib.

Sonxeber.net publika.az-a istinadən xəbər verir ki, Rusiyanın 10-16 sentyabr tarixləri arasında Sakit və Şimal Buzlu okeanları başda olmaqla bir çox dəniz bölgələrini əhatə edən "Okean-24" hərbi təlimləri bölgədə narahatlıq doğurub.

Müdafiə Nazirliyinin (Pentaqon) açıqlamasında Rusiyanın 8 hərbi təyyarə və 2 sualtı qayıq daxil olmaqla 4 donanma gəmisinin Alyaskaya yaxınlaşdığı, lakin onların təyyarələrinin ABŞ hava məkanını pozmadığı qeyd edilib.

Rusiyanın hərəkətlərinə cavab olaraq ABŞ ordusu Alyaska yarımadasının cənub-qərb uzantısını təşkil edən Aleut adalarına mobil raket qurğuları ilə təchiz olunmuş təxminən 130 əsgər göndərib.

"Güc Proyeksiyası" adlı əməliyyat çərçivəsində ABŞ əsgərləri Alyaskanın Ankoric şəhərindən təxminən 2 min kilometr cənub-qərbdə yerləşən Şemya adasına göndərilib.

Qeyd edək ki, Şemya adasında İkinci Dünya Müharibəsindən qalma ABŞ Hərbi Hava Qüvvələrinə məxsus aviabaza mövcuddur.


Etiketlər:  Yeni böhran zonası ABŞ qoşun yeritdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ