Aktual mövzular: Dollar alış-satışı, Neftin qiyməti, COP29, Hava proqnozu

Turizm və rekreasiya zonalarının ərazilərində bəzi fəaliyyətlər qadağan edildi

Turizm və rekreasiya zonalarının ərazilərində bəzi fəaliyyətlər qadağan edildi

Tarix: 30 Oktyabr 2024 15:00

Prezident İlham Əliyev "Turizm haqqında" Azərbaycan Respublikasının Qanununda dəyişikliyi imzalayıb.

Sonxeber.net AZƏRTAC-a istinadən bildirir ki, sənədə əsasən, turizm və rekreasiya zonalarının ərazilərində aşağıdakılar qadağan edilir:

kimya sənayesi, metallurgiya, nüvə energetikası ilə bağlı fəaliyyət;

iri sənaye müəssisələrinin, texnoloji avadanlıq və maşınqayırma sənayesi müəssisələrinin fəaliyyəti;

tullantıların zərərsizləşdirilməsi, emalı müəssisələrinin fəaliyyəti, habelə bu məqsədlə qurğuların, poliqonların quraşdırılması ilə bağlı fəaliyyət;

"Ətraf mühitə təsirin qiymətləndirilməsi haqqında" Azərbaycan Respublikası Qanununun əlavəsində nəzərdə tutulmuş fəaliyyət növləri üzrə ətraf mühitə təsirin qiymətləndirilməsi sənədi (ƏMTQ) tərtib edilmədən və həmin sənədin dövlət ekoloji ekspertizası keçirilmədən həyata keçirilən fəaliyyət, habelə ətraf mühitə təsirin qiymətləndirilməsinin aparılması tələb olunmayan, lakin dövlət ekoloji ekspertizasının obyekti olan və dövlət ekoloji ekspertizasının müsbət rəyi olmadan həyata keçirilən digər fəaliyyət.


Etiketlər:  Turizm rekreasiya zonalarının ərazilərində bəzi fəaliyyətlər qadağan edildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ