Həkimlikdən siyasətə - Qalmaqallı keçmiş nazir Bakıya niyə gəlmir?

Tarix: 6 Noyabr 2024 11:27

Beynəlxalq səviyyəli tədbirin Bakıda keçirilməsi bir çox şəxsdə və bəzi ölkələrdə narahatlıq doğurmuşdu. Bakının uğuruna sevinməyənlər bunu müxtəlif tərzdə hiss etdirirdilər. Bəziləri Azərbaycana qarşı qarayxma kampaniyası keçirərək narahatlığını aşkar şəkildə nümayiş etdirirdi. Bu şəxslərdən biri də Avropa Komissiyasının hazırkı rəhbəri Ursula von der Leyendir. Onun COP29-la bağlı son bəyanatı da buna bariz nümunədir.

Avropa Komissiyasının Prezidenti Ursula von der Leyen 2024-cü ilin noyabrın 11-dən etibarən Bakıda keçiriləcək COP29 iqlim sammitinə qatılmayacaq. Onun ofisindən verilən məlumata görə Ursula von der Leyenin bu tədbirdə iştirak etməməsinin səbəbi Brüsseldəki mühüm siyasi öhdəliklərdir. O, dekabrda başa çatacaq yeni Komissiya heyətinin formalaşdırılması və təsdiqlənməsi üzərində işləyir.

Aİ məsuliyyətdən qaçır

Görünür, Aİ məusliyyətdən qaçır. Ursula von der Leyen-in COP29 sammitinə qatılmaması Avropa İttifaqının iqlim dəyişikliyi məsələlərinə yanaşmasında ciddi suallar doğurur. Von der Leyenin bu mühüm beynəlxalq tədbirdə iştirak etməməsi, Avropa İttifaqının bu məsuliyyətləri gözardı etdiyini düşündürür. Bu qərar, onun və rəhbərlik etdiyi qurumun, bəşəriyyətin gələcəyini təhlükəyə ata biləcək iqlim dəyişikliyi kimi ciddi problemləri ciddiyə almadığını göstərir. Dünya, xüsusilə Avropa İttifaqı kimi böyük çirkləndiricilərdən iqlim maliyyəsi və ətraf mühitin qorunması ilə bağlı daha böyük öhdəliklər gözləyərkən, Avropa İttifaqı bu məsələlərdən qaçır. Aİ COP29 sammitində iştirak etməyərək beynəlxalq ictimaiyyətə qarşı etinasızlıq nümayiş etdirir.

COP29-da iştirak etməmək Avropa İttifaqının qlobal ekoloji və iqtisadi ədalət məsələlərində ciddi addım atmadığını göstərir. Avropa İttifaqı, bu sammitdə iştirak etməməklə, həm özünün, həm də digər ölkələrin ekoloji və iqlim sahəsindəki öhdəliklərinə qarşı məsuliyyətsiz yanaşır. Bu isə, Aİ-nin uzun müddət ərzində iqlim dəyişikliyi ilə bağlı etibarını zədələyə bilər. Avropa İttifaqının bu yanaşması onun qlobal iqlim problemlərinə ciddi yanaşmadığını və yalnız öz maraqlarını ön planda tutduğunu göstərir. İqlim dəyişikliyi ilə mübarizə, həm ekoloji, həm də sosial ədalət məsələsi olduğundan Aİ-nin məsuliyyətdən yayınması ciddi narahatlığa səbəb olur.

Ursula von der Leyen kimdir?

Ursula von der Leyen almaniyalı siyasətçi və Avropa Komissiyasının hazırkı rəhbəridir. O, 1958-ci ildə Belçikanın Brüssel şəhərində anadan olub. Əsl adı Ursula Gertrud Albrechtdir. Siyasətə gəlməzdən əvvəl o, tibb təhsili alıb və həkim kimi işləyib. Onun atası da siyasətçidir. Ursula von der Leyen Almaniyada müxtəlif hökumət vəzifələrində, o cümlədən ailə, əmək və müdafiə naziri kimi fəaliyyət göstərib.

Ursula von der Leyen 2019-cu ildə Avropa Komissiyasının prezidenti seçilərək bu vəzifəni tutan ilk qadın olub. Bu rolda o, Avropa İttifaqının müxtəlif məsələlərini, xüsusilə də COVID-19 pandemiyasına qarşı cavab tədbirlərini, iqlim dəyişikliyi ilə mübarizəni və rəqəmsal transformasiya təşəbbüslərini idarə etməkdə əsas rol oynayıb.

Ursula von der Leyen Almaniyada müdafiə naziri olduğu dövrdə onun ordunun təchizatında və idarəçiliyində olan problemlərə görə tənqid edilib. Xüsusilə, hərbi təchizatın çatışmazlıqları və ordunun modernləşdirilməsində ləngimələr narazılıqlara səbəb olub. Həmçinin, nazir olaraq məsləhətçi şirkətlərlə müqavilələr bağladığı və bunun üçün büdcədən xeyli vəsait mənimsəndiyinə dair iddialar irəli sürülüb.

Onun Avropa Komissiyasına rəhbərlik etdiyi dövrdə üzv ölkələr tərəfindən tənqid olunub. Buna səbəb COVID-19 pandemiyasının ilkin mərhələlərində vaksin tədarükü və paylanması məsələlərində problemlər və gecikmələr yaşanmasıdır. Bəziləri onun rəhbərliyini qeyri-şəffaf və bürokratik qərarlar qəbul etməkdə günahlandırır.

Ursula von der Leyenin Avropa İttifaqının Rusiya-Ukrayna müharibəsi kontekstində enerji siyasəti ilə bağlı bəzi qərarları da müzakirələrə səbəb olub. Onun enerji siyasətinə dair bəzi qərarları Avropa İttifaqı daxilində qiymət artımları və enerji çatışmazlığı ilə bağlı narahatlıq doğurub.

İslam