Aktual mövzular: Dollar alış-satışı, Neftin qiyməti, COP29, Hava proqnozu

Tarixdə ilk: Türkiyəyə gəldi, Ərdoğan hava limanında qarşıladı - FOTO

Tarixdə ilk: Türkiyəyə gəldi, Ərdoğan hava limanında qarşıladı - FOTO

Tarix: 28 Noyabr 2024 21:08

Türkiyə Prezidenti Prezident Rəcəb Tayyib Ərdoğan ölkəsinə səfərə gələn Oman Sultanı Heysəm bin Tariqi hava limanında qarşılayıb.

Sonxeber.net teleqraf.com-a istinadən bildirir ki, Türkiyənin Omandakı səfiri Məhəmməd Həkimoğlu sultanın Türkiyəyə gəlişini tarixi səfər adlandırıb.

"Tarixdə ilk dəfə Omandan Türkiyəyə bir dövlət başçısının səfərinin baş tutması, tarixi bir məna kəsb edir", - diplomat sosial mediada belə yazıb.

Səfərin Oman üçün də çox əhəmiyyətli olduğuna diqqət çəkən Həkimoğlu iki ölkə arasındakı siyasi, hərbi və ticarət əlaqələri ilə yanaşı, 3 əsrə yaxın Omanı idarə edən əl-Busaidi ailəsinin də türklərlə qohumluq əlaqələrinə böyük əhəmiyyət verdiyini deyib.

Sultan bin Tariqin nənəsinin türk olduğunu və atasının 6 yaşına qədər İstanbulda ingilis məktəbində oxuduğunu söyləyən səfir bu yaxınlığa dair faktların Türkiyənin arxiv sənədlərindən tapıldığını vurğulayıb.

Həkimoğlu bu səbəbdən Omanda türklər və Busaidi ailəsinə qarşı böyük rəğbət və doğmalıq hislərinin olduğunu qeyd edib.


Etiketlər:  Tarixdə Türkiyəyə gəldi Ərdoğan hava limanında qarşıladı FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ