''Qarabağ'' ''Sabah''la heç-heçə edib - Yenilənib

Tarix: 7 Dekabr 2024 20:26

20:23

"Qarabağ" Misli Premyer Liqasında "Sabah"la heç-heçə edib.

Sonxeber.net-ın məlumatına görə, XVI turun ikinci oyunu "Bank Respublika Arena"da keçirilib.

Qarşılaşma 1:1 hesabı ilə başa çatıb.

49-cu dəqiqədə meydan sahiblərindən Neqoş Kupusoviç hesabı açıb. 68-ci dəqiqədə Nəriman Axundzadə tarazlığı bərpa edib.

Rəqiblərindən bir oyun az keçirən "Qarabağ" ikinci pillədə qərarlaşıb. Paytaxt klubu 23 xalla beşinci sıradadır.

Günün ilk matçında "Araz-Naxçıvan" "Səbail"i iki cavabsız qolla üstələyib.

Qeyd edək ki, turun digər oyunları 8-9 dekabrda gerçəkləşəcək.

----------
09:17

Bu gün "Qarabağ" komandası Misli Premyer Liqasının XVI turunda "Sabah"la üz-üzə gələcək.

Sonxeber.net-ın məlumatına görə, matç "Bank Respublika Arena"da təşkil ediləcək.

Qarşılaşma saat 18:00-da start götürəcək. Rəqibindən bir oyun az keçirən Ağdam təmsilçisi 37 xalla liderdir. Paytaxt klubu 22 xalla beşinci pillədə qərarlaşıb.

Günün ilk görüşündə "Səbail" "Araz-Naxçıvan"ı qəbul edəcək. Bu matç saat 15:00-da başlayacaq. Qonaqlar 36 xalla ikinci, "dənizçilər" 8 xalla sonuncu-onuncu sırada yer alıb.

Misli Premyer Liqası

XVI tur, II dövrə

7 dekabr

15:00. "Səbail" - "Araz-Naxçıvan"
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov.
VAR: Rəvan Həmzəzadə.
AVAR: İnqilab Məmmədov.
Hakim-inspektor: Orxan Məmmədov.
AFFA nümayəndəsi: Erkin Hüseynov.
"ASCO Arena"

18:00. "Sabah" - "Qarabağ"
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Ömər Paşayev.
AFFA nümayəndəsi: Elçin Məmmədov.
"Bank Respublika Arena"

Qeyd edək ki, turun digər oyunları 8-9 dekabrda gerçəkləşəcək.