''Ərdoğan bu məsələdə Putinlə məsləhətləşib''

Tarix: 17 Dekabr 2024 09:10

Suriyada hakimiyyət dəyişikliyi ilə bağlı hadisələrin ilk dəqiqələrindən Türkiyə Prezidenti Rəcəb Tayyib Ərdoğan Rusiya lideri Vladimir Putin və İran tərəfi ilə məsləhətləşib.

Sonxeber.net axar.az-a istinadən bildirir ki, bunu AKP rəsmisi Ömər Çelik jurnalistlər üçün keçirdiyi brifinqdə deyib.

"Yadınızdadırsa, hətta bu hadisələrin ilk anlarında prezidentimiz cənab Putinlə əlaqə saxlamışdı. Türkiyəyə mesajlar çatdırıb, lazımi məsləhətləşmələr aparıb. Cənab Putinin mövcud vəziyyətlə bağlı mesajları da bizim tərəfimizdən qeydə alındı ​​və dəyərləndirildi. Eyni şeyi İran tərəfi ilə də etdik. Bütün ölkələr və beynəlxalq ictimaiyyət həm ABŞ-ın, həm də Avropanın daxil olduğu bir növ məsləhətçi mexanizmdə birləşməlidir", - Çelik qeyd edib.