Aktual mövzular: Dollar alış-satışı, Neftin qiyməti, COP29, Hava proqnozu

Prezident Almaniya Parlamentinin buraxılma tarixini açıqladı

Prezident Almaniya Parlamentinin buraxılma tarixini açıqladı

Tarix: 21 Dekabr 2024 08:46

Almaniya prezidenti Frank-Valter Ştaynmayer parlamentin buraxılması barədə qərarı dekabrın 27-də qəbul etmək niyyətindədir.

Sonxeber.net oxu.az-a istinadən xəbər verir ki, bu barədə dövlət başçısının dəftərxanasının nümayəndəsi Kerstin Gammelin "X" sosial şəbəkəsindəki səhifəsində məlumat verilib.

Bildirilib ki, Ştaynmayer son bir neçə gün ərzində parlament fraksiyalarının sədrləri ilə danışıqlar aparıb və Almaniya hökuməti üçün sabit çoxluğun yaradılması perspektivlərinin olmadığına əmin olub.

"Mən əsas qanunun 68-ci maddəsinə uyğun olaraq 27 dekabr 2024-cü il tarixində Bundestaqın buraxılması barədə qərar qəbul etmək niyyətindəyəm", - deyə Gammelin Ştaynmayerin sözlərini sitat gətirib.

Xatırladaq ki, dekabrın 16-da Almaniya parlamenti (Bundestaq) Olaf Şoltsun nazirlər kabinetinə etimadsızlıq göstərilməsinə səs verib. Əgər səsvermənin nəticələrini Almaniya prezidenti Frank-Valter Ştaynmayer təsdiq edərsə, ölkədə növbədənkənar parlament seçkisi keçiriləcək. Seçki fevralın 23-nə təyin ediləcək. Şolts bu hadisələrin fonunda Frank-Valter Ştaynmayerə Almaniya parlamentini buraxmağı təklif edib.


Etiketlər:  Prezident Almaniya Parlamentinin buraxılma tarixini açıqladı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ