Aktual mövzular: Dollar alış-satışı, Məzənnə, Neftin qiyməti

Pentaqon Ərdoğanın İncirlik bazası barədə sözlərini şərh edib

Tarix: 16 Dekabr 2019 05:20

Bakı. Trend:

ABŞ Türkiyənin hərbi bazalarını, o cümlədən İncirlik aviabazasını yalnız Ankaranın icazəsi ilə istifadə edir.

Trend-in "TASS"a istinadən verdiyi məlumata görə, bu barədə Pentaqondan Türkiyə prezidenti Rəcəb Tayyib Ərdoğanın İncirlik və Kürecik bazalarının ABŞ üçün bağlana biləcəyinə dair sözlərinə şərh edərkən deyiblər.

Pentaqondan bildirilib: "ABŞ qüvvələri Türkiyənin hərbi bazalarını, o cümlədən İncirlik aviabazasını yalnız Ankaranın icazəsi ilə istifadə edirlər. Biz Türkiyədəki qüvvələrimizin statusunu NATO üzrə müttəfiqimizlə əməkdaşlığımıza və onu qorumağa bağlılığımızın simvolu kimi görürük".

Qeyd edilir ki, Türkiyə NATO-nin Əfqanıstanda, Kosovoda, İraqda missiyalarına töhfə verir və ABŞ Milli Təhlükəsizlik Strategiyasının məqsədləri üçün vacibdir: "Pentaqon Türkiyəni S-400 və digər fikir ayrılığı yaranmış sahələr ilə əlaqədar daha konstruktiv siyasət yürütməyə çağırırıq və bu münasibətləri qorumağa çalışırıq".

Whatsapp ilə göndər