Microsoft bu il olmuş qeyri adi fişinq kiberhücumlarından danışdı

Tarix: 17 Dekabr 2019 23:16

2019-cu il artıq sona çatır və şirkətlər bu ilin yekunlarını təqdim etməklə yanaşı gələn il üçün proqnozlarını açıqlayırlar. Bir neçə müddət bundan öncə isə Microsoft şirkəti kiberhücumlar və malware-lar üzrə trendləri əks etdirmiş hesabatı təqdim etmişdi. Həmin hesabata əsasən fişinq üsulu kiberhücumlar sahəsində son illərdə aktivliyi artan üsullardan biridir.

Sonxeber.net technote.az-a istinadən bildirir ki, Microsoft şirkətinin məlumatına əsasən 2018-ci ilin yanvar ayından bu ilin oktyabr ayına kimi fişinq üsulu ilə edilmiş kiberhücumların sayı 0.2%-dən 0.6%-ə yüksəlib. 0.6% göstəricisi isə incələnmiş ümumi mesajlar toplusunda fişinq məktubların faiz göstəricisidir. Şirkət həmçinin öz bloqunda bu il aşkar edilmiş 3 qeyri adi fişinq kiberhücumu barəsində məlumat verib. Birinci kiberhücum çoxmərhələli zərərli əməliyyatdan ibarət olub. Həmin üsul nəticəsində hackerlər Google axtarış nəticələrini göndərirdirlər. Həmin kiberhücum aşağıdakı kimi reallaşdırılırdı:

- Hackerlər legitim saytlarn əldə etdikləri trafiki özlərinin idarə etdikləri saytlara göndərirdilər

- Domenlər konkret sorğular nəticəsində Google axtarış nəticələrində top siyahıda ortaya çıxırdılar

- Fişerlər həmin konkret sorğular əsasında olmuş Google axtarış nəticələrini əks etdirən linklərdən ibarət məktubları istifadəçilərə göndərirdilər

- Əgər istifadəçi linkə və daha sonra ən yaxşı axtarış nəticəsinə klik edirdisə, o, hackerlər tərəfindən idarə olunan sayta yönləndirilirdi.