Mərkəzi Asiya 2020-ci ildə turist səfərləri regionu seçilib

Tarix: 8 Yanvar 2020 09:06

Amerika-Avstraliya nəşri "Lonely Planet" Mərkəzi Asiyanı 2020-ci ildə turist səfərləri regionu seçib.

Sonxeber.net AZƏRTAC-a istinadən bildirir ki, onlayn-xidmət səyahətçiləri Özbəkistan, Qazaxıstan, Qırğızıstan, Tacikistan və Türkmənistana səfər etməyə çağırır.

"Lonely Planet" bildirir ki, bir vaxtlar ticarəti və səyyahları ilə məşhur olan bu region yenidən dünyanın diqqət mərkəzindədir. Mərkəzi Asiyanın Böyük İpək yolu üzərində olan qədim şəhərləri, səs-küylü bazarları, əsrarəngiz təbiəti bu regiona daha çox turist cəlb edir.

Bu sahənin ekspertlərinin fikrincə, Mərkəzi Asiya regionu arasında Özbəkistan birinci yer tutur. Belə ki, 90 ölkə ilə vizasız rejimin tətbiqi, elektron vizaların işə salınması, qonşu dövlətlərlə isti münasibətlərin yaradılması xarici turistlərin sayının artması üçün yaxşı göstəricidir.

Bildirilir ki, Özbəkistana gələn hər turist İpək yolunun gözəlliklərini kəşf edəcək, Səmərqəndin, Buxaranın, Xivənin qədim memarlıq abidələri ilə tanış olacaq, Pamirin qarlı zirvəsinə heyran qalacaq.

Digər maraqlı xəbərlər Sonxeber.net-ın Facebook səhifəsində. Bizi "Telegram"da izləyin. ŞƏRH YAZ Tweet