Aktual mövzular: Dollar alış-satışı, Neftin qiyməti, COP29, Hava proqnozu

İran Prezidenti: ABŞ geri çəkilməyə məcbur oldu

İran Prezidenti: ABŞ geri çəkilməyə məcbur oldu

Tarix: 16 Yanvar 2020 12:28

Bakı. Elnur Bağışov - Trend:

İranın İraqda ABŞ-ın Eynül-Əsəd hərbi bazasına hücumdan sonra ABŞ geri çəkilməyə məcbur oldu.

Trend-in məlumatına görə, bunu İran prezidenti Həsən Ruhani İranın Mərkəzi Bankının 59-cu forumunda deyib. H.Ruhaninin sözlərinə görə, ABŞ-ın çox önəmli regional hərbi bazasını raketlə atəşə tuta biləcək çox az ölkə var.

Ruhani əlavə edib ki, İranın gecə ikən ABŞ-ın hərbi bazasına hücumu Pentaqonu 24 saat ərzində oyaq saxladı. Bu da ABŞ-ı İranı hədələməkdən geri çəkilməyə məcbur etdi.

İran prezidenti bildirib ki, ABŞ prezidenti Donald Tramp İranın reaksiya verdiyi halda, ABŞ-ın İranın 52 önəmli obyektini, o cümlədən mədəni və tarixi obyektini məhv edəcəyini bildirmişdi. Lakin İranın hücumu onun bu danışıq ritorikasını dəyişdirdi.

Qeyd edək ki, 3 yanvarda ABŞ-ın hücumu nəticəsində İran İslam İnqilabı Keşikçilər Korpusunun Qüds qüvvələri komandanı general Qasim Süleymani və bir neçə nəfər öldürülüb. İran bu hücuma reaksiya olaraq 8 yanvarda İraqda ABŞ-ın hərbi bazasına raket hücumu həyata keçirib.

Trend-in ən mühüm və maraqlı xəbərlərini "Telegram"da izləyin


Etiketlər:  İran Prezidenti ABŞ geri çəkilməyə məcbur oldu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ