Aktual mövzular: Dollar alış-satışı, Neftin qiyməti, COP29, Hava proqnozu

Səhər yeməyi ziyanlıdır? Məşhur türk professordan ÇAĞIRIŞ

Səhər yeməyi ziyanlıdır? Məşhur türk professordan ÇAĞIRIŞ

Tarix: 1 Fevral 2020 22:48

Səhər yeməyi yemək hər zaman faydalı, yeməmək isə sağlamlıq baxımından çox ziyanlı sayılıb.  
Amma dünyada məşhur olan həkim, türkiyəli ürək-damar cərrahı, professor Mehmet Öz bununla bağlı çoxlarını təəccübləndirən əks fikirlər səsləndirib.
Sonxeber.net e-tibb.az-a istinadən bildirir ki, məşhur cərrab "əslində səhər yeməyi qadağan olunmalıdır", - deyə  vurğulayıb.
Səhər yeməyinin günün ən önəmli qidası sayılması haqda fikirlərin heç bir əsasının olmadığını açıqlayan professor, bunun sadəcə, reklam olduğunu bildirib.
Mehmet Öz açıqlamasında deyib ki, 2020-ci ildə atılacaq əsas addımlardan biri səhər yeməyini qadağan etmək olmalıdır: "Səhər yeməyi yeməyin vacib olduğunu düşünmürəm. Bu, reklam aldatmasıdır".
Mehmet Öz təəssüflə deyib ki, on illərdir bununla bağlı deyilənlər əslində  sağlamlıq haqqında həqiqətlərə söykənmir və qəhvəaltını ümumiyyətlə, həyatımızdan çıxarmaq ən düzgün addım olar.
Çox insanların səhər oyanan kimi ac olmasalar belə, səhər yeməyi yediklərini deyən Mehmet Öz  bunun yerinə səhər yeməyi ilə günorta yeməyini birləşdirməyi doğru sayır: "Bu, sağlamlıq baxımından daha düzgündür".


Etiketlər:  Səhər yeməyi ziyanlıdır Məşhur türk professordan ÇAĞIRIŞ


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ