“Messinin qucaqlamasında sonra paltarlarımı yumayacağam'' - Braytvayt

Tarix: 23 Fevral 2020 01:28

“Barselona”nın yeni transferi Martin Braytvayt Kataloniya klubunda debüt edib.

Qol.az xəbər verir ki, danimarkalı hücumçu evdə “Eybar”a 5:0 qalib gədikləri matçda 30 dəqiqə meydanda olub. O, görüşdən sonra İspaniya mətbuatına açıqlama verib.  “Barselona”da oynamağın ona yuxu kimi gəldiyini deyən futbolçu görüşdə poker edən kapitan Lionel Messi haqda maraqlı fikir səsləndirib:

“Messinin qucaqlamasında sonra paltarlarımı yumayacağam. Təsəvvür edin ki, mən bir həftə əvvəl “Barselona”da oynayacağım ağlıma da gəlmirdi. Messi oyundan sonra məni təbrik etdi. O, əla oğlandır, istəyir ki, mənə burada rahat olsun. Meydana çıxanda ötürmə vermək üçün məni axtarırdı”.

Xatırladaq ki, “Barselona” 22 yaşlı futbolçunu “Leqanes”dən 18 milyon avroya alıb.