Aktual mövzular: Dollar alış-satışı, Məzənnə, Neftin qiyməti

Kriştianu Ronaldo futbol tarixində yeni rekord vuracaq

Tarix: 2 Aprel 2020 23:14

"Yuventus"un hücumçusu Kriştianu Ronaldo yeni rekord müəyyənləşdirməyə hazırlaşır.

Milli.Az apasport.az-a istinadən bildirir ki, portuqaliyalı superulduz bu dəfə oyun və ya qola yox, qazandığı pul sayına görə ilki reallaşdıracaq.

Bu il 35 yaşlı forvardın karyerası ərzində əldə edəcəyi ümumi gəlirin məbləği 1 milyard avroya çatacaq. Bununla da o, 1 milyard avroluq səddi keçən ilk futbolçu kimi tarixə düşəcək. İndiyə qədər 2 idmançının - amerikalı qolfçu Tayqer Vuds və boksçu Floyd Meyvezerin qazancı bu məbləği keçib. Ronaldo ilə yanaşı, tezliklə isveçrəli tennisçi Roje Federer də onlara qoşulacaq.

Qeyd edək ki, Kriştianu Ronaldonun "Yuventus"da illik qazancı 30 milyon avrodur.

Milli.Az

Whatsapp ilə göndər