Aktual mövzular: Dollar alış-satışı, Neftin qiyməti, COP29, Hava proqnozu

ABŞ koronavirusun müalicəsində bu dərmandan istifadə edir

ABŞ koronavirusun müalicəsində bu dərmandan istifadə edir

Tarix: 8 Aprel 2020 23:51

Hindistan qızdırma üçün hazırlanmış "Hidroksiklorokin" preparatını və bənzər dərmanları koronavirusla mübarizə üçün ABŞ-a ixrac edəcək.

Sonxeber.net xəbər verir ki, ABŞ dərmanların müqabilində Hindistana 2,9 milyon dollar ödəyəcək.

Hindistanın Baş naziri Narendra Modi ilə telefonda danışan ABŞ Prezidenti Donald Tramp "Hidroksiklorokin"i koronavirusa qarşı inqilabi dərman adlandırıb. Lakin qızdırma preparatı olan "Xlorokin"lə bənzər tərkibdəki bu dərmanın koronavirusun müalicəsində effektiv olduğu istiqamətində elmi araşdırma yoxdur.

Qeyd edək ki, ABŞ Hindistanı Rusiyadan zenit-raket kompleksləri aldığına görə dəfələrlə sanksiya tətbiq edəcəyi ilə təhdid edib. Bundan sonra Hindistan ABŞ-la bəzi iqtisadi münasibətlərində məhdudlaşdırmalara gedib. ABŞ mediası bu məhdudiyyətlərin Trampın Hindistana qarşı təhdidlərini geri götürdükdən sonra aradan qalxdığını yazır.

Xatırladaq ki, Tramp "Hidroksiklorokin"in koronavirusun müalicəsində istifadə edilməsi üçün ABŞ Qida və Dərman İdarəsindən (FDA) icazə alındığını açıqlamış, idarə isə bunu təkzib etmişdi. (publika.az)


Etiketlər:  ABŞ koronavirusun müalicəsində dərmandan istifadə edir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ