Aktual mövzular: Dollar alış-satışı, Neftin qiyməti, COP29, Hava proqnozu

Koronavirus qorxusu: Ulduz futbolçular məşqlərə çıxmaq istəmirlər

Tarix: 13 May 2020 19:46

Böyük Britaniya hökuməti iyun ayının əvvəllərindən etibarən idman və mədəni tədbirlərin tamaşaçılarsız olmaq şərtilə keçirilməsinə icazə verib.

Sonxeber.net fanat.az-a istinadən xəbər verir ki, İngiltərə Premyer Liqasında çıxış edən klubların aparıcı futbolçuları qərarı xoş qarşılamayıblar.

Komandalar bazar ertəsi məşqlərə başlamalıdılar. Oyunçulardan bəziləri koronavirusa yoluxmaqdan qorxduqları üçün məşqlərə çıxmaq istəmədiklərini klub rəhbərliklərinə bildiriblər. Onlar vəziyyət tam düzələnə qədər gözləməli olduqlarını düşünürlər.

Qərar qəbul edilərkən fikirlərinin nəzərə alınmaması futbolçuları narahat edir. Onlara görə, təhlükəsizlik tədbirləri və sağlamlıq nəzarətinə kifayət qədər diqqət yetirilmir.

Daha öncə İPL rəhbərliyinin mövsümün erkən ləğvi ilə bağlı da tədbirlər planı hazırladığına dair xəbərlər yayılmışdı.

Whatsapp ilə göndər