Aktual mövzular: Dollar alış-satışı, Neftin qiyməti, COP29, Hava proqnozu

Quba-Qusar yolunda ''KİA'' aşdı - 3 nəfər ''xəstəxanalıq oldu'' (FOTO)

Tarix: 8 Iyun 2019 10:34

Bakı. Ceyhun Ələkbərov - Trend:

Quba-Qusar yolunda ağır yol-nəqliyyat hadisəsi baş verib.

Trend-in məlumatına görə, qəza ötən axşam saat 21:00 radələrində qeydə alınıb. Quba-Qusar yolu ilə hərəkət olan "KİA" markalı avtomobil sürət həddini aşdığından idarəetməni itirərək aşıb və yol kənarındakı divara çırpılıb. Nəticədə avtomobildə olan 3 nəfər ağır bədən xəsarətləri ilə xəstəxanaya yerləşdiriliblər.

Onlardan biri Qusar rayon Zimdanmuruq sakini 1994-cü il təvəllüdlü Ələkbərov Nurlan İlyas oğlu müxtəlif dərəcəli bədən xəsarətləri ilə Qusar Rayon Mərkəzi Xəstəxanasına, digər iki nəfər 1990-cı il təvəllüdlü Babayev Cəmil və 1994-cü il təvəllüdlü Pənahov Səfa Quba Rayon Mərkəzi Xəstəxanasına çatdırılıblar. Hər iki şəxs kəllə beyin travması, bud sümüklərinin sınığı diaqnozu ilə xəstəxananın reanimasiya şöbəsinə yerləşdiriliblər.

Trend-in ən mühüm və maraqlı xəbərlərini "Telegram"da izləyin