Aktual mövzular: Dollar alış-satışı, Neftin qiyməti, COP29, Hava proqnozu

Zidan oğlunu icarəyə göndərir

Tarix: 9 Iyun 2019 21:28

"Real"ın qapıçısı Luka Zidan mövsümlərarası fasilədə komandadan ayrıla bilər.

Qol.az-ın "Football Espana" nəşrinə istinadən yaydığı xəbərə görə, "kral klubu" 21 yaşlı qolkiperi icarəyə vermək istəyir. Fransalı oyunçu ilə bir neçə ispan klubunun yaxından maraqlandığı bildirilir.

İddiaya görə, Zinəddin Zidan bir müddət əvvəl oğlunu komandada saxlamaq istəsə də, indi onun icarəyə verilməsinə qarşı deyil. O, gənc qapıçının praktika qazanmasını istəyir.

Qeyd edək ki, L. Zidan "Real"ın yetirməsidir. O, indiyə kimi Madrid klubunun əsas komandasında cəmi 1 oyun keçirib və 2 qol buraxıb.