Aktual mövzular: Dollar alış-satışı, Neftin qiyməti, COP29, Hava proqnozu

“LG” şirkəti təhlükəsiz “Q61” smartfonunu təqdim edib

Tarix: 23 May 2020 07:44

"LG" şirkətinin smartfonlar çeşidinə "Q61" adlı orta qiymət seqmentinə məxsus smartfon əlavə edilib. Yeni cihazın əsas özəlliklərinə sudan və yerə düşmədən qoruyan korpus, 4 sensorlu qabaqcıl kamera modulu, həmçinin geniş simsiz interfeys dəstini göstərmək olar.

Smartfon 2340x1080 piksel təsvir ölçülü 6,5 düym diaqonallı displey, 16 meqapiksellik ön kamera, "MediaTek Helio P35" mobil platforması, 4 QB əməli yaddaş və 64 QB daxili yaddaşla təchiz edilib.

Sonxeber.net ictnews.az-a istinadən bildirir ki, aparatın arxa qapağında 4 sensorlu əsas kamera üfüqi şəkildə yerləşdirilib: 48 mp-lik əsas, 8 mp-lik genişbucaqlı optika, həmçinin 2 və 5 mp-lik iki dərinlik datçiki. Smartfonun daxili akkumulyatorunun tutumu 4000 milliamper/saat təşkil edir.

Bundan başqa, "LG Q61" smartfonu "DTS:X 3D Surround Sound" həcmli səslənmə texnologiyası, "Google Assistant" səsli assistentini çağırmaq üçün xüsusi düymə, kontaktsız ödənişlər üçün "NFC" modulu ilə təchiz edilib, həmçinin korpus "MIL-STD-810G" hərbi standartı üzrə qorunur.

Whatsapp ilə göndər