Aktual mövzular: Dollar alış-satışı, Məzənnə, Neftin qiyməti

Cəlilabadda “Range Rover”dən 6 kiloqramdan artıq narkotik götürüldü

Tarix: 30 May 2020 14:24

Bakı. Trend:

Cəlilabad rayonu ərazisində saxlanılmış “Range Rover” markalı avtomobildən 4 kiloqramdan artıq heroin və 2 kiloqramdan artıq tiryək götürülüb.

Daxili İşlər Nazirliyinin Mətbuat xidmətindən Trend-ə verilən məlumata görə, Cəlilabad RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini M.Həsənovun idarə etdiyi “Range Rover” markalı avtomobil Gülməmmədli kəndi ərazisində saxlanılıb. Sürücü və sərnişinləri - Yevlax rayon sakinləri S.İsgəndərov və E.Hüseynli RPŞ-yə gətiriliblər.

Avtomobilə baxış zamanı oradan çəkisi 4 kiloqram 190 qram olan heroin və 2 kiloqram 20 qram tiryək aşkar edilərək götürülüb.

Whatsapp ilə göndər