Apple və Samsung ikinci əl smartfon bazarında liderdir

Tarix: 16 Iyun 2020 08:32

Counterpoint şirkətinin məlumatına görə, ötən il də ikinci əl telefon alanların sayı çox olub. Yenilənmiş smartfon bazarında formal olaraq 1% azalma olsa da, ümumi azalma göstəricisi minimaldır.

Sonxeber.net ted.az-a istinadən bildirir ki, ötən il ərzində qlobal miqyasda 137 milyon ikinci əl telefon satılıb.

ABŞ, Çin və Avropada istifadəçilər arasında yenidən qurulan cihazlara maraq orta hesabla 6% azalıb.

Yaponiyada isə bu göstərici 8% olub. Lakin Hindistanda, Latın Amerikasında və Afrikada bu cür cihazların satışında artım müşahidə olunub. Bu bölgələrdə müvafiq olaraq 9%, 6% və 2% artım qeydə alınıb.

Apple və Samsung ikinci əl smartfon satış bazarında lider olub. Huawei də performansını artıra bilib. Lakin ABŞ sanksiyaları istehsalçının biznesinin bu sahəsinə də mənfi təsir göstərəcəkdir.