Aktual mövzular: Dollar alış-satışı, Neftin qiyməti, COP29, Hava proqnozu

“Unudulmuşam, nə maaş, nə də yardım alıram”

Tarix: 24 Iyun 2020 18:40

Son zamanlar mediadan uzaq qalan aktyor Allahverdi Yolçuyev işsizliklə bağlı narahatlıq keçirir.

Milli.Az xəbər verir ki, "unikal"a açıqlama verən aktyor 5 ildir parkinson xəstəliyindən əziyyət çəkdiyini deyib və diqqətdən kənarda qalmasından şikayətlənib:

"Həyatdan tamamilə təcrid olunmuşam. Nə işləyirəm, nə maaş, nə də yardım alıram. Heç 190 manatı da vermədilər. Demək olar ki, unudulmuşam. Problemlər isə sadalamaqla bitmir. Teatrda işləmirəm, deyirlər ki, qocalmısan. Efirlərə çağırır, sosial şəbəkələrdə maraqlanıb yazırlar. Amma heç bir xeyri yoxdur.

Əslində nazirlik maraqlanmalıdırlar ki, fəxri ad, təqaüd verilmir. 40 il səhnədə olan bu adam necə yaşayır, nə ilə qidalanır?! Həftədə bir-iki dəfə dublyaja çağırırlar. Sənətindən, peşəsindən asılı olmayaraq unudulmaq, diqqət mərkəzindən uzaqda qalmaq düzgün deyil. Mədəniyyət Nazirliyində struktur dəyişiklikləri oldu. Düşündüm, yəqin indi maraqlanarlar. Dəfələrlə onlara müraciət etsəm də, heç bir nəticə yoxdur".

Milli.Az

Whatsapp ilə göndər