Aktual mövzular: Dollar alış-satışı, Məzənnə, Neftin qiyməti

Dizayn ixtisasında təhsil almaq istəyənlərə UNEC-dən yeni fürsətlər (FOTO)

Tarix: 2 Iyul 2020 16:24

Bakı. Trend:

UNEC-də “Dizayn” ixtisasına qəbulda yenilik tətbiq olunacaq.

Qurumdan Trend-ə bildirilib ki, Yeni qaydalara əsasən, 2020/2021-ci tədris ili üzrə UNEC-in “Dizayn” ixtisasını seçən abituriyentlər qabiliyyət imtahanı verməyəcəklər. Həmin ixtisasa qəbul 11-ci sinif üzrə buraxılış imtahanlarının nəticələrinə əsasən aparılacaq.

UNEC-in “Dizayn” ixtisasına qəbul olunan abituriyentlər üçün daha fürsət isə modern memarlıq elementləri ilə zəngin olan yeni kampusda təhsil almaq imkanıdır. Yeni tədris binasında müasir standartlara cavab verən auditoriyalar, mühazirə otaqları, laboratoriyalar, yeməkxana, idman zalı, kitabxana, böyük və kiçik konfrans zalları bu ildən tələbələrin istifadəsinə veriləcək.