Luçeskunun ''Dinamo''dakı köməkçiləri müəyyənləşdi

Tarix: 28 Iyul 2020 18:28

Kiyev "Dinamo"sunun yeni baş məşqçisi Mirça Luçeskunun köməkçiləri müəyyənləşib.

Qol.az Ukrayna mətbuatına istinadən xəbər verir ki, rumıniyalı mütəxəssisə sabiq futbolçuları Oleq Qusev və Oqnen Vukoyeviç, həmçinin moldovalı məşqçi Emil Karas ilə işləyəcək.

Qusev "Dinamo"ya 2003-cü ilin yayında gəlib. O, komandada 15 il ərzində 443 matçda 96 qol vurub.

Vukoyeviç 2008 - 2014-cü illərdə paytaxt klubunda 219 oyuna 15 qol və 12 məhsuldar ötürmə ilə yadda qalıb.

Karas isə məşqçilik karyerasınadək Moldova yığmasında çıxış edib. 52 yaşlı mütəxəssis sonuncu dəfə BƏƏ "Əl-Nəsr"ində çalışıb.

Qeyd edək ki, Mirça Luçesku azarkeş təzyiqlərinə görə istefa verdiyini açıqlasa da, sonradan qərarını dəyişib.