Hesab.az-dan yaya özəl iki kampaniya da uğurla başa çatdı

Tarix: 4 Avqust 2020 13:20

Bakı. Trend:

Dünyada və ölkəmizdə davam edən pandemiya ilə əlaqədar olaraq insanların onlayn sahə və xidmətlərə ehtiyacı daha da artıb. Mümkün sahələrdə onlayn xidmətlərin aktiv istifadə olunması və mövcud onlayn xidmətlərin istifadə imkanlarının genişlənməsi qaçılmaz hal almışdır. Belə bir dövrdə Hesab.az onlayn ödəniş portalı öz xidmət və məhsullarını daha sürətli, funksional baxımından əlverişli olması üçün dayanmadan çalışır. Xüsusən yay aylarında kampaniyalarını dayandırmır, əksinə istifadəçilərinə evdən çıxmadan ödəniş edərək faydalanacaqları kampaniyalar təqdim edir. Eyni zamanda kampaniya qaliblərinə fiziki hədiyyə əvəzinə bonus, Hesab Koin və s. kimi onlayn hədiyyələr təqdim edir. İyun, İyul ayları ərzində Yay kampaniyası və Bakcell istifadəçiləri üçün xüsusi kampaniya təqdim edən Hesab.az istifadəçilərinə hər zaman faydalana biləcəkləri təkliflər edə biləcəyini göstərmiş oldu.

Yay kampaniyası 18-22 İyul tarixlərində Hesab.az veb səhifəsi və mobil tətbiqində ödəniş edən qeydiyyatlı istifadəçiləri əhatə etdi. Belə ki, kampaniya şərtlərinə əasən istifadəçilər həm Hesab.az mobil tətbiqində, həm də veb səhifəsində qeydiyyatlı şəkildə bir dəfə iştirak edərək, müəyyən edilmiş məbləği ödədikdə, müəyyən edilmiş sayda əlavə bonus və Hesab Koin əldə ediblər. Kampaniya mükafatının bonus və Hesab Koin olmasının əsas məqsədi istifadəçilərin karantin müddətində evdən çıxmadan ödənişlərini rahat və təhlükəsiz həyata keçirməyini təmin etmək, üstəlik ödənişlərdən onlayn olaraq hədiyyə əldə edilməsi idi.

18İyun-18 iyul tarixlərində Hesab.az Bakcell istifadəçilərini sevindirəcək kampaniya təqdim edib. Hesab.az-da Bakcell balansı artıran istifadəçilər ekstra dəqiqələr və meqabaytlar, üstəlik Ulduzum kodunu daxil etməklə ikiqat bonuslar qazandılar. Qeyd edək ki, Ulduzum kodu yalnız bonus seçimi aktiv olan istifadəçilər üçün keçərli olur.

Qeyd edək ki, hər iki kampaniya istifadəçilər tərəfindən olduqca müsbət qarşılandı və yüksək fəallıqla başa çatdı.

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.