Aktual mövzular: Dollar alış-satışı, Neftin qiyməti, COP29, Hava proqnozu

Qonşu ölkədən meyvə ixracı azalır

Tarix: 24 Iyun 2019 11:36

Bakı. Elnur Bağışov - Trend:

Bu il İranın meyvə ixracı azalacaq.

Trend-in məlumatına görə, bunu İranın Kənd Təsərrüfatı Məhsulları Milli Birliyinin sədri Rza Nurani deyib.

R.Nuraninin sözlərinə görə, İranın göyərti və tərəvəz məhsullarının ixracı isə artacaq:

"Kənd təsərrüfatı məhsulları xüsusi soyuducularla təchiz olunmuş münasib nəqliyyat xidmətindən məhrumdur. Bu məsələ ixrac bazarının inkişafının qarşısını alır. Yerli və xarici bazarlarda kənd təsərrüfatı məhsulları ilə bağlı tarazlığın yaradılması məhsul ixracı ilə əlaqədar infrastrukturların inkişaf etdirilməsini tələb edir”.

Bilrik sədrinin sözlərinə görə, dəfələrlə bir məhsulun qiymətinin bahalaşması təsərrüfatçıları həmin məhsulu həddindən artıq yetişdirməyə məcbur edib. Lakin məhsulun bazara axını ilə qiymətlər ucuzlaşıb və sonda təsərrüfatçılar zərərlə üzləşiblər.

Qeyd edək ki, İranda bu il 45 milyon tondan çox kənd təsərrüfatı məhsulunun istehsal olunacağı proqnoz edilir.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər