Aktual mövzular: Dollar alış-satışı, Məzənnə, Neftin qiyməti

Avqustun ortalarında hava sərin keçəcək

Avqustun ortalarında hava sərin keçəcək

Tarix: 13 Avqust 2020 15:09

Bakı. İlhamə İsabalayeva - Trend:

Bu il avqust ayının ortalarında hava sərin keçəcək.

Trend xəbər verir ki, Milli Hidrometeorologiya Xidmətinin verdiyi məlumata görə, avqust ayı yay fəslinin ən isti ayıdır:

"Xüsusən də son onilliklərdə ən davamiyyətli isti hava dalğaları və ən yüksək temperatur göstəriciləri məhz bu ayda qeydə alınıb. Ötən illərdən fərqli olaraq, bu il 35 dərəcədən yüksək temperatur Bakıda yalnız 1 dəfə qeydə alınıb. Ayın əvvəlindən bu günədək orta temperatur 5 gün ərzində iqlim normasından 2,3 dərəcəyədək aşağı olub".

Məlumatda qeyd edilib ki, bu cür hava şəraiti Rusiyanın cənubundan, Qara dəniz üzərindən bizim regiona atmosfer hava cəbhələrinin daxil olması ilə bağlıdır:

"Növbəti nisbətən sərin hava dalğasının təsiri avqust ayının 14-dən ikinci ongünlüyün sonunadək hiss olunacaq. Belə ki, arabir güclənən şimal küləyinin fonunda havanın temperaturu çoxillik normadan aşağı enəcək. Paytaxtda maksimal temperatur 25-30 dərəcədən yüksək olmayacaq. Rayonlarda hava arabir yağışlı olacaq".


Etiketlər:  Avqustun ortalarında hava sərin keçəcək


RƏYLƏR



Populyar Xəbərlər

XƏBƏR LENTİ