Aktual mövzular: Dollar alış-satışı, Neftin qiyməti, COP29, Hava proqnozu

İranda koronavirusdan 165 nəfər ölüb

İranda koronavirusdan 165 nəfər ölüb

Tarix: 17 Avqust 2020 14:52

Bakı. Elnur Bağışov - Trend:

İranda ötən sutka ərzində 165 nəfərin koronavirusdan (COVID 19) ölməsi öz təsdiqini tapıb.

Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, beləliklə İranda bu günədək 19 804 nəfər bu virusdan ölüb.

Nazirlik rəsmisi deyib ki, İranda ötən 24 saat ərzində 2 247 koronavirusa yoluxub. Bununla indiyədək İranda bu virusa yoluxanların sayı 345 450 nəfərə yüksəlib. Virus daşıyıcılarından 3 773 nəfərin vəziyyəti ağırdır.

Sadat Lari əlavə edib ki, İranda indiyədək 299 157 nəfər koronavirusdan sağalıb.

Sadat Lari qeyd edib ki, İranın Mazandaran, Tehran, Qum, Gülüstan, Şimali Xorasan, Ərdəbil, İsfahan, Əlborz, Rəzəvi Xorasanı, Kirman, Simnan, Şərqi Azərbaycan, Mərkəzi, Yəzd və Gilan vilayətləri qırmızı zonalar hesab olunurlar.

İranda indiyədək 2,88 milyondan çox diaqnoz testi həyata keçirilib.


Etiketlər:  İranda koronavirusdan nəfər ölüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ