Aktual mövzular: Dollar alış-satışı, Neftin qiyməti, COP29, Hava proqnozu

“4G” dəstəkli yeni “Nokia” mobil telefonlarının fotoşəkilləri dərc olunub

“4G” dəstəkli yeni “Nokia” mobil telefonlarının fotoşəkilləri dərc olunub

Tarix: 24 Avqust 2020 16:36

“Nokia” brendli smartfonlar buraxan “HMD Global” şirkəti üç yeni ucuz qurğu – “4G/LTE” mobil rabitə dəstəkli mobil telefonlar hazırlayır.  
 
“ICTnews” Elektron Xəbər Xidməti “3DNews www.3dnews.ru” resursuna istinadən yazır ki, hazırlanan qurğulardan biri “Nokia 215” telefonunun yeni variantıdır: qurğu “Nokia 215” (2020) və ya “Nokia 215 4G” adlanacaq. Model “HMD Global” çeşidində ən ucuz “4G” telefon olacaq. Onun konstruksiyasında adi kamera belə nəzərdə tutulmayıb.
 
Bundan başqa, arxa kamera ilə təchiz edilən “Nokia 225” telefonunun nümayişi planlaşdırılır. Fotoşəkildə qurğunun korpusu göy rəngdə göstərilib.
 
Həmçinin “Leo Basic” kod adlı “Nokia” qurğusu hazırlanır. Telefon arxa kamera və intellektual səsli köməkçi funksiyasını çağırmaq üçün və fiziki düymə ilə təchiz ediləcək.
 
Bütün modellər naviqasiya düyməsi və ekranın altında yerləşən əlifba sıralı rəqəmli klaviatura ilə təchiz olunacaq. Proqram platforması qismində “KaiOS” mobil əməliyyat sistemindən istifadə ediləcək.
 
Yeni qurğuların təqdimatı sentyabra nəzərdə tutulur.
 
Nizam Nuriyev



Etiketlər:  dəstəkli yeni Nokia mobil telefonlarının fotoşəkilləri dərc olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ