Aktual mövzular: Dollar alış-satışı, Məzənnə, Neftin qiyməti

Nazirlik DSMF-nin Biləsuvar filialında əməliyyat keçirilməsi xəbərlərinə aydınlıq gətirdi

Tarix: 4 Sentyabr 2020 12:12

Bakı. Elçin Mehdiyev – Trend:

Əmək və Əhalinin Sosial Müdafiəsi Nazirliyi son günlər mətbuatda Dövlət Təhlükəsizlik Xidməti tərəfindən Dövlət Sosial Müdafiə Fondunun (DSMF) Biləsuvar rayon filialının müdiri Fərasim Əliyevin saxlanılması barədə yayılan məlumatlara aydınlıq gətirib.

Trend-in məlumatına görə, Nazirliyin mətbuat xidmətinin rəhbəri Fazil Talıblı bildirib ki, bu məlumat əsassızdır, həqiqəti əks etdirmir.

Onun sözlərinə görə, sadəcə olaraq, filialın əməkdaşı Ədalət Mürsəlov Xidmət tərəfindən DSMF Biləsuvar rayon filialının fəaliyyət sahələrinə aid olmayan başqa bir məsələ ilə bağlı şahid qismində qısa müddət üçün dəvət olunub. Hazırda da iş yerindədir, fəaliyyətini davam etdirir:

“Ona görə də bəzi media orqanlarının mətbuat prinsiplərinə zidd olaraq, aidiyyəti qurumla heç bir dəqiqləşdirmə aparılmadan, qeyri-peşəkarcasına belə yalan məlumatları tirajlaması təəssüf doğurur”.

Whatsapp ilə göndər