Aktual mövzular: Dollar alış-satışı, Neftin qiyməti, COP29, Hava proqnozu

Konqolu hücumçu ''Neftçi''də - Rəsmi

Tarix: 11 Sentyabr 2020 16:08

"Neftçi" hücumçu transferini rəsmiləşdirib.

Milli.Az qol.az-a istinadən xəbər verir ki, Konqo milli komandasının üzvü Prins İbara ilə 1 illik müqavilə imzalanıb.

Belçikanın "Birşot" klubuna (2019-2020; 12 oyun) məxsus olan 24 yaşlı futbolçu mövsümün sonunadək icarə əsasında "ağ-qaralar"da çıxış edəcək. O, 13 nömrəli formanı geyinəcək.

Prins İbara Konqonun ACNFF (2014), "Pelikan" (2015; 6 oyun, 6 qol), Tunisin "Bizerten" (2015-2017; 19 oyun, 8 qol), Qətərin "Əl-Vakra" (2017-2018; 9 oyun, 1 qol) və Əlcəzairin "USM Əlcəzair" (2018-2019, 27 oyun, 10 qol) klublarında çıxış edib və 2019-cu ildə Əlcəzair çempionu olub. İbara Konqo milli komandasının heyətində 11 oyun keçirib, 3 qol vurub.

Xatırladaq ki, "Neftçi" yay fasiləsində Cabir Əmirli, Fəhmin Muradbəyli (icarədən qayıdıb), Yusuf Laval, Sabir Buqrin, Rener Alves De Souza və Talisson Diazı da heyətinə cəlb edib.

Milli.Az

Whatsapp ilə göndər