Aktual mövzular: Dollar alış-satışı, Məzənnə, Neftin qiyməti

""Neftçi"yə yuxarıdan aşağı baxmaq olmaz" - Fatih Terim

Tarix: 16 Sentyabr 2020 13:10

Avropa Liqasının 2-ci təsnifat mərhələsində "Neftçi" ilə qarşılaşacaq "Qalatasaray"ın baş məşqçisi Fatih Terim oyun haqda fikirlərini bildirib.

Milli.Az qol.az-a istinadən xəbər verir ki, Türkiyə klubunun çalışdırıcısı yerli mətbuata qısa açıqlamasında "ağ-qaralar"la oyuna çox ciddi yanaşdıqlarını deyib:

"Neftçi"yə yuxarıdan aşağı baxmaq olmaz. Bakıya qələbə dalınca gedirik. Bu oyunun sığortası yoxdur. Səhvləri bağışlanmayacaq bir 90 dəqiqə oynayacağıq. Rəqib mərhələnin bir oyundan ibarət olmasını fürsət kimi görəcək. Səhv istəmirəm".

Xatırladaq ki, sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" matçı saat 20:00-da start götürəcək. İstanbul təmsilçisi Bakıya bu gün gələcək.

Milli.Az

Whatsapp ilə göndər