Aktual mövzular: Dollar alış-satışı, Neftin qiyməti, COP29, Hava proqnozu

''ADY Express” Rusiya-Azərbaycan-Gürcüstan-Türkiyə marşrutu ilə yeni növ yüklərin daşınmasına başlayacaq

''ADY Express” Rusiya-Azərbaycan-Gürcüstan-Türkiyə marşrutu ilə yeni növ yüklərin daşınmasına başlayacaq

Tarix: 18 Sentyabr 2020 10:44

Bakı. Fidan Babayeva - Trend:

2020-ci ilin sonunadək və 2021-ci ildə “ADY Express” tərəfindən Rusiya-Azərbaycan-Gürcüstan-Türkiyə marşrutu ilə yeni növ yüklərin daşınması planlaşdırılır.

Bunu Trend-ə “ADY Express” MMC-nin mətbuat xidmətinin rəhbəri İlham Abdulov deyib.

O bildirib ki, yeni növ yüklər oduncaq, taxıl və kömür olacaq:

“Hazırda “ADY Express” tərəfindən Rusiya-Azərbaycan-Gürcüstan-Türkiyə marşrutu ilə, Bakı-Tbilisi-Qars dəmir yolu vasitəsilə əsasən metal (polad) daşınır. Bu yüklər əsasən Maqnitoqorsk metallurgiya kombinatının məhsuludur”.

İ.Abdulov qeyd edib ki, bu müəssisənin məhsulunun “ADY Express” tərəfindən son məntəqəyə nəqli müddəti 15-17 gün təşkil edir:

“Yüklər Rusiyadan Azərbaycan və Gürcüstandan tranzitlə Qarsa daşınır. Dəmir yolu ilə məsafənin uzunluğu 5 min kilometrə bərabərdir. Bizim bu müəssisələrlə əməkdaşlığımız 2018-ci ildə başlayıb və bu gün də uğurla davam edir”.


Etiketlər:  Express Rusiya Azərbaycan Gürcüstan Türkiyə marşrutu ilə yeni növ yüklərin daşınmasına başlayacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ