Aktual mövzular: Dollar alış-satışı, Neftin qiyməti, COP29, Hava proqnozu

İranda sutka ərzində 5 min nəfərdən çox şəxs koronavirusa yoluxub

İranda sutka ərzində 5 min nəfərdən çox şəxs koronavirusa yoluxub

Tarix: 20 Oktyabr 2020 15:00

Bakı. Elnur Bağışov - Trend:

İranda ötən sutka ərzində 5 039 nəfər koronavirusa (COVID-19) yoluxub.

Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

S.Sadat Larinin sözlərinə görə, bununla da İranda bu virusa yoluxanların sayı 539 670 nəfərə yüksəlib. Virus daşıyıcılarından 4 810 nəfərin vəziyyəti ağır qiymətləndirilir.

Nazirlik rəsmisi deyib ki, İranda ötən 24 saat ərzində 322 nəfər koronavirusdan ölüb. Beləliklə İranda bu virusdan ölənlərin sayı 31 034 nəfərə çatıb.

Sadat Lari qeyd edib ki, İranda indiyədək 434 676 nəfər koronavirusdan sağalıb.

Tehran, İsfahan, Qum, Şərqi Azərbaycan, Cənubi Xorasan, Simnan, Qəzvin, Lorestan, Ərdəbil, Xuzistan, Kirmanşah, Kohgiluyə və Buyir-Əhməd, Gilan, Buşehr, Zəncan, İlam, Rəzəvi Xorasanı, Mazandaran, Çahar-Mahal və Bəxtiyari, Əlborz, Qərbi Azərbaycan, Mərkəzi, Kirman, Şimali Xorasan, Həmədan, Yəzd və Kürdüstan vilayətləri qırmızı zonalar hesab olunurlar.

İranda indiyədək 4,57 milyondan çox diaqnoz testi həyata keçirilib.


Etiketlər:  İranda sutka ərzində nəfərdən çox şəxs koronavirusa yoluxub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ