''Real'' ''İnter''ə, ''Liverpul'' ''Atalanta''ya qarşı

Tarix: 3 Noyabr 2020 09:16

Bu gün Çempionlar Liqasında 3-cü tura start veriləcək.

Sonxeber.net qol.az-a istinadən xəbər verir ki, ilk oyun günündə 8 matç keçiriləcək.

Turun mərkəzi qarşılaşması Madriddə olacaq. Bakı vaxtı ilə 00:00-da başlayacaq görüşdə "Real" Milan "İnter"ini qəbul edəcək. B qrupunun digər matçında "Şaxtyor" öz meydanında Münhenqladbax "Borussiya"sı ilə qarşılaşacaq.

A qrupunda "Atletiko" Rusiyaya səfər edəcək. Madrid təmsilçisi Moskva "Lokomotiv"inin qonağı olacaq.
Qrupun digər oyununda isə "Zalsburq" "Bavariya"nı qəbul edəcək.

C qrupunda itkisiz irəliləyən "Mançester Siti" "Olimpiakos"la evdə münasibətlərinə aydınlıq gətirəcək.

D qrupunda isə liderlər İtaliyada üz-üzə gələcək. "Liverpul" "Atalanta"nın qonağı olacaq.

3 noyabr

Çempionlar Liqası, 3-cü tur

A qrupu

21:55. "Lokomotiv" (Rusiya) - "Atletiko" (İspaniya)

00:00. "Zalsburq" (Avstriya) - "Bavariya" (Almaniya)

B qrupu

21:55. "Şaxtyor" (Ukrayna) - "Borussiya" (Mönhenqladbax, Almaniya)

00:00. "Real" (İspaniya) - "İnter" (İtaliya)

C qrupu

00:00. "Mançester Siti" (İngiltərə) - "Olimpiakos" (Yunanıstan)

00:00. "Porto" (Portuqaliya) - "Marsel" (Fransa)

D qrupu

00:00. "Midtülland" (Danimarka) - "Ayaks" (Niderland)

00:00. "Atalanta" (İtaliya) - "Liverpul" (İngiltərə)