“Coca-Cola” möcüzə dolu Yeni İl reklamını təqdim etdi (FOTO)

Tarix: 19 Noyabr 2020 11:28

Bakı. Trend:

Yenicə təqdim edilən reklam çarxının əsas mesajı “Bu bayramın ən gözəl hədiyyəsi birlikdə olmaqdır” şüarıdır.

Bu həftədən etibarən dünyanın 90-dan çox ölkəsində, o cümlədən Azərbaycanda, Coca-Cola şirkətinin Yeni İl bayramına həsr edilmiş “Məktub” adlı özəl reklam çarxı efirə təqdim edilir. Reklam çarxının mənası 2020-ci ilin insanların həyatında misilsiz iz buraxdığını nəzərə alaraq hər kəsi özünə doğma, əziz bildiyi insanların yanında olmağa çağırışdır.

Oskar mükafatçısı olan rejissor Taika Waititinin rəhbərliyi ilə Wieden+Kennedy London şirkəti tərəfindən hazırlanan bu filmdə bir atanın qızına olan sərhədsiz sevgisi əks olunub. Son dərəcə emosional süjetə malik reklamda ata qızının Yeni İl arzusunu reallaşdırmaq üçün macəralar dolu səyahətə çıxır və filmin sonunda onlar əsil bayram möcüzəsinin şahidi olurlar.

Bu il Coca-Cola özünün ənənəvi Yeni İl kampaniyasının 100 illiyini qeyd etdiyini nəzərə alsaq, bu video reklamın məhz 2020-ci ildə ərsəyə gəlməsinin heç də təsadüf olmadığını anlayırıq. 1920-ci ildə Coca-Cola ilk dəfə olaraq Yeni İl bayramına həsr edilmiş reklam kampaniyasına başlayıb və bundan sonra Coca-Cola hər il Yeni İl üçün bir-birindən möhtəşəm kampaniyalar keçirirək Yeni İl möcüzəsinin gəlişini insanların yadına salır.

Coca-Cola şirkətinin Avropa qitəsinin Marketinq üzrə Vitse-Prezidenti Valter Susini dünyanın ən sevilən içki brendinin son 100 ildə öz möhtəşmliyi ilə yadda qalan bir neçə bayram kampaniyaları yaratdığını qeyd edir. “Bu il də təqdim etdiyimiz Yeni İl çarxı ənənəmizin davamı olaraq insanlarda nikbinlik və ümid hisslərini gücləndirir. Reklamda Coca-Colanın Şaxta Baba, Yeni İl Karvanı kimi tanınmış bayram attributları öz əksini tapıb. Dünya əhalisi üçün bu il çox fərqli oldu, insanlar yeni vərdişlərə alışmaq məcburiyyətində qaldılar. Məhz elə buna görə də, Coca-Colanın yeni reklamı insanları həmrəyliyə, bir birinə dəstək olmağa, sevdiklərimiz və doğmalarımızın yanında olmağa və mütləq Yeni İl möcüzəsinə inanmağa çağırır” – deyə, V. Susini bildirmişdir.

Şirkətin Türkiyə, Qafqaz və Ortasiya regionu üzrə Coca-Cola Brend Müdürü Yigit Yokuş Yeni İl bayramının bütün dünyada olduğu kimi, Azərbaycanda da insanları birləşdirən, ən sevilən şənliklərdən biri olduğunu qeyd edib və Coca-Colanın hər il insanların bu sevincini xüsusi kampaniyalar vasitəsilə paylaşdığını söyləyib. “Bu il məlum səbəblərdən ənənəvi Yeni İl Karvanımız vasitəsilə istehlakçılarımıza bayram şənliyi apara bilməsək də, qarşıdan gələn Yeni İli təbrik etmək, insanların bu bayramda həmrəyliyinə dəstək olmaq, sevinclərini Coca-Cola olaraq paylaşmaq üçün yeni reklam çarxımızı təqdim edirik. Ümid edirik hər kəs bu reklam filmini bəyənəcək, ondan ilhamlanaraq hər zaman sevdiklərinin yanında olmağa çalışacaq”.

Coca-Colanın “Məktub” adlı Yeni İl reklamını bu link vasitəsilə izləyə bilərsiz:

https://www.youtube.com/watch?v=O8LgB0Sv7fU