İlin ən yaxşı məşqçisinə namizədlər bilindi

Tarix: 25 Noyabr 2020 19:30

FİFA 2020-ci ilin ən yaxşı məşqçisi adına namizədlərin adını açıqlayıb.

Sonxeber.net goal.az-a istinadən xəbər verir ki, namizədlər sırasında Marselo Byelsa ("Lids Yunayted"), Hans-Diter Flik ("Bavariya"), Yurgen Klopp ("Liverpul"), Xulen Lopeteqi ("Sevilya") və Zinəddin Zidan ("Real Madrid") yer alıb.

Ötən mövsüm Byelsa 16 il sonra ilk dəfə Leeds-i Premyer Liqaya qaytarıb. Flik "Bavariya" ilə Çempionlar Liqasını, Bundesliqanı, Almaniya kubokunu qazanıb. Klopp 30 ildən sonra ilk dəfə "Liverpul"u İngiltərə çempionu edib. Lopeteqi "Sevilya" lə Avropa Liqasını qazanıb. Zidan isə "Real"la İspaniya çempionu olub.

Qeyd edək ki, qalibin açıqlanacağı tədbir dekabrın 17-də onlayn formada gerçəkləşəcək.