Aktual mövzular: Dollar alış-satışı, Neftin qiyməti, COP29, Hava proqnozu

Hadrut meşələrində gizlənən erməni əsgərləri kömək istəyiblər

Hadrut meşələrində gizlənən erməni əsgərləri kömək istəyiblər

Tarix: 6 Dekabr 2020 10:45

44 günlük müharibədə sağ qalan və döyüşdən qaçıb meşələrdə gizlənən düşmən əsgərlərindən bir qrupu Hadrut ətrafındakı meşəliklərdə gizlənir. Və xilas olmağa can atır.

Sonxeber.net virtualaz.org-a istinadən xəbər verir ki, erməni KİV-lərinin xəbərlərinə görə, bu haqda müxalif "Çiçəklənən Ermənistan" fraksiyasından deputat Naira Zöhrabyan danışıb.

O bildirib ki, övladları döyüşlərdə itkin düşmüş valideyinlərlə müntəzəm olaraq görüşür. Həmin valideyinlərdə sübutlar var ki, övladları sağdır və Hadrut ətrafındakı Vəng kəndinin yaxınlığında, meşəliklərdə gizlənirlər.

"İtkin düşmüş əsgərlərdən biri David Adumyanın anası əmin edir ki, təxminən  bir neçə gün əvvəl meşədə gizlənən əsgərlərimiz Dağlıq Qarabağda "911" xilasetmə xidmətinə zəng vura biliblər və meşədə olduqlarını deyiblər, kömək istəyiblər. İnternetdə artıq iki gündür ki, meşələrdə mühasirəyə düşən əsgərlərimiz haqda video yayılır, onlara təcili kömək lazımdır", - Zöhrabyan bildirib.

Deputatın sözlərinə görə, Dağlıq Qarabağdakı qondarma rejim bu haqda Rusiya sülhməramlılarının komandanı Rüstəm Muradova bildirib və axtarış işləri başlayıb.


Etiketlər:  Hadrut meşələrində gizlənən erməni əsgərləri kömək istəyiblər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ