Aktual mövzular: Dollar alış-satışı, Neftin qiyməti, COP29, Hava proqnozu

ABŞ-da seçkiçilərin səsvermə prosesi canlı yayımlanacaq

ABŞ-da seçkiçilərin səsvermə prosesi canlı yayımlanacaq

Tarix: 14 Dekabr 2020 21:28

ABŞ-da ölkənin gələcək prezidentini müəyyənləşdirəcək seçkiçilər kollegiyasının dekabrın 14-də keçiriləcək səsverməsi online rejimdə yayımlanacaq.

Sonxeber.net AZƏRTAC-a istinadən bildirir ki, ABŞ ştatlarının və paytaxt Kolumbiya dairəsinin hakimiyyət orqanları seçicilərə bu prosesi real zamanda izləmək imkanı yaradacaq.

Proses, həmçinin Birləşmiş Ştatların hazırkı Prezidenti respublikaçı Donald Trampın səsvermənin nəticələri barədə məhkəmə iddiaları qaldırdığı Miçiqan, Viskonsin, Pensilvaniya və Corciya ştatlarında da yayımlanacaq.

Qəzetin məlumatına görə, iclas ölkənin şərq sahilləri vaxtı ilə səhər saat 10:00-da (Bakı vaxtı ilə 19:00) başlayacaq.

Qeyd edək ki, noyabrın 3-də ABŞ-da baş tutan prezident seçkilərində demokrat Cozef Bayden seçkiçilər kollegiyasının 538 üzvündən 306-nın dəstəyini qazanıb. Bu da qələbə üçün yetərlidir.

Seçkiçilər kollegiyası üzvlərinin səsverməsi ABŞ Prezidenti seçkilərinə son nöqtəni qoyacaq. Səsvermənin nəticələri yanvarın 6-da Konqresin hər iki palatasının birgə iclasında təsdiq olunacaq, yanvarın 20-də isə ABŞ-ın yeni, 46-cı prezidentinin inauqurasiya mərasimi keçiriləcək.


Etiketlər:  ABŞ seçkiçilərin səsvermə prosesi canlı yayımlanacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ