Aktual mövzular: Dollar alış-satışı, Neftin qiyməti, COP29, Hava proqnozu

''Danışmaq asandır, özünü valideynlərinin yerinə qoysun, bacarar?'' - İtkin düşmüş əsgərin anası Paşinyana cavab verdi

Tarix: 15 Dekabr 2020 14:56

Ermənistanda Eçmiədzin hərbi hissəsində xidmət etmiş, Qarabağ müharibəsində itkin düşən hərbçinin anası Anahit Adoyan hələ də oğlunu axtarır. Bunun üçün onun Ermənistanda döymədiyi qapı qalmayıb.

Sonxeber.net bu haqda erməni KİV-lərinə istinadən xəbər verir.

İtkin düşənlərin qohumları bu gün yenidən Ermənistan Müdafiə Nazirliyinin binasının qarşısına toplaşdılar. Onlar Ermənistan Silahlı Qüvvələri Baş Qərargah rəisi Onik Qasparyanla görüşməyi tələb edirlər.

"Bütün Ermənistanda müraciət etmədiyimiz bir insan yoxdur. Yalnız Onik Qasparyan qalıb, onunla görüşmək, bizi qəbul edib bu məsələni həll edə biləcəyini anlamaq istəyirik", - Anahit Adoyan deyib.

Baş nazir Nikol Paşinyanın bu hadisələrə anlayış göstərməsi barəsində açıqlamasına cavab olaraq Anahit Adoyan qeyd edib:

"Danışmaq asandır, özünü valideynlərinin yerinə qoysun, bacarar? Nə qədər gözləyə bilərsən?"

Onun sözlərinə görə, 5 gündür həmin sualı özünə verir və öz sualına bircə cavab verir: heç vaxt.

Aslan Məmmədov

Whatsapp ilə göndər