Aktual mövzular: Dollar alış-satışı, Məzənnə, Neftin qiyməti

Baş nazir: Gürcüstanda ümumi sərt karantinin elan olunacağı planlaşdırılmır

Tarix: 30 Dekabr 2020 21:18

"Gürcüstan ərazisində ümumi sərt karantinin elan olunacağı ilə bağlı yayılan məlumatların əsası yoxdur. Ölkədə tam qapanmanın tətbiqi planlaşdırılmır".

Milli.Az AZƏRTAC-a istinadən xəbər verir ki, bu barədə ölkənin Baş naziri Giorgi Qaxariya brifinqdə bildirib.

Onun sözlərinə görə, avtomobillər və piyadaların hərəkətinin tam məhdudlaşdırılması nəzərdə tutulmur. Yalnız dekabrın 24-dən fəaliyyətinə icazə verilən ticarət obyektləri gələn ilin yanvarın 3-dən etibarən bağlanacaq.

"Biz artıq məhdudiyyətlərin müsbət nəticələrini müşahidə edirik. Əlavə digər məhdudlaşdırıcı tədbirlər həyata keçirilməyəcək", - deyə, G.Qaxaria vurğulayıb.

Hökumət başçısı qeyd edib ki, ölkənin səhiyyə sistemi cari epidemioloji vəziyyətin öhdəsindən gələ bilir və narahatçılığa əsas yoxdur.

Milli.Az

Whatsapp ilə göndər