Aktual mövzular: Dollar alış-satışı, Neftin qiyməti, COP29, Hava proqnozu

Bitkilərin sığortası üçün müraciətlərin tarixi açıqlanıb

Tarix: 11 Yanvar 2021 18:14

Azərbaycanda dövlət dəstəyi ilə tətbiq edilən aqrar sığorta mexanizmi vasitəsilə kənd təsərrüfatı bitkilərinin və heyvanlarının sığortası başlanılıb.

Kənd Təsərrüfatı Nazirliyindən Sonxeber.net-a verilən məlumata görə, xatırladaq ki, aqrar sığorta vasitəsilə 14 növ bitkini və məhsullarını sığorta etmək mümkündür. Bunlar buğda, arpa, qarğıdalı, çəltik, kartof, şəkər çuğunduru, üzüm, limon, narıngi, portağal, çay, fındıq, pambıq və tütündür.

Aqrar Sığorta Fondu (ASF) kənd təsərrüfatı bitkilərinin sığortası üçün müraciətlərin tarixlərini açıqlayıb.

Fondun məlumatına görə, fermerlər və əkin sahələrinin sahibləri 2021-ci ildə bitkilərin sığortalanması üçün müraciətlərə başlaya bilərlər.

Fond tərəfindən ayrı-ayrı bitki məhsulları üzrə fenoloji müddətləri nəzərə alınmaqla sığorta müraciətlərinin başa çatma tarixləri də müəyyən edilib.

Kartof bitkisinin və kənd təsərrüfatı heyvanlarının sığortası üçün isə ilin istənilən vaxtında müraciət etmək olar.

Kənd təsərrüfatı bitkilərinin sığorta tariflərinə buradan baxmaq olar.

Məhsullar	Müraciət üçün son tarix
Şəkər çuğunduru	05.03.2021
Üzüm	15.03.2021
Çay	30.03.2021
Limon	10.04.2021
Narıngi	10.04.2021
Portağal	10.04.2021
Yazlıq taxıl	15.04.2021
Pambıq	20.04.2021
Tütün	30.04.2021
Çəltik	05.05.2021
Fındıq	10.05.2021
Qarğıdalı	07.06.2021
Payızlıq taxıl	01.11.2021
Kartof	İl boyu
K/t heyvanları	İl boyu