“OnePlus” və “OPPO” smartfonların hazırlanmasında səyləri birləşdirir

Tarix: 26 Yanvar 2021 08:24

Məşhur rəqəmli texnika istehsalçıları kimi tanınan "OPPO" və "OnePlus" şirkətləri arasında mobil texnologiyalar sahəsində əməkdaşlıq, elmi tədqiqat və təcrübi-konstruktor işləri şöbələrinin birləşdirilməsi haqqında razılıq əldə edilib.

Sonxeber.net ictnews.az-a istinadən bildirir ki, Çinin "DoNews" portalının "OPPO" mənbələrinə istinadən məlumatına görə, şirkətlərin elmi tədqiqat mərkəzləri vahid strukturda birləşdiriləcək. Bununla yanaşı, hər bir istehsalçı öz proqram təminatını qoruyub saxlayacaq, mobil texnologiyalarla bağlı birgə tədqiqatların nəticələri isə hər iki brendin hazır məhsullarında istifadə ediləcək.

Ekspertlər qeyd edir ki, bu qərar ümumi işləmə və tədqiqat sisteminin xarakterik olduğu "Xiaomi" və "Redmi" şirkətlərinin fəaliyyət modelini xatırladır.

Çin şirkətlərinin nümayəndələri qərara hələ kimi rəsmi münasibət bildirməyiblər.