Aktual mövzular: Dollar alış-satışı, Neftin qiyməti, COP29, Hava proqnozu

NASA İlon Maskın şirkəti ilə müqavilə imzaladı

NASA İlon Maskın şirkəti ilə müqavilə imzaladı

Tarix: 9 Fevral 2021 21:16

ABŞ Milli Aeronavtika və Fəza Agentliyi (NASA) ilə milyarder İlon Maskın kosmos avadanlığı istehsal edən "Space X" şirkəti arasında fəzada astrofizika tədqiqat missiyasına dair müqavilə imzalanıb.

Milli.Az ted.az-a istinadən bildirir ki, NASA-nın açıqlamasına görə, "Kainatın tarixi", "Yenidən ionlaşma dövrü", "Buz tədqiqatçısı" adlı bölümlərdən ibarət proqramın məqsədi dünyanın yaranması və qalaktikaların inkişafına dair suallara cavab tapmaqdır.

Bunun üçün fəzaya çıxarılacaq "Sperex" adlı teleskop vasitəsilə ulduzların, habelə ulduzlar ətrafında yeni planetlərin yaranacağı qaz və toz kütləsindən əmələ gəldiyi sahələrdə su və orqanik molekullar axtarılacaq. Bu axtarışlar zamanı 300 milyondan artıq qalaktika, habelə bizi də əhatə edən Süd Yolu (Saman Yolu) qalaktikasında 100 milyondan artıq ulduza dair məlumat toplamaq mümkün olacaq.

2024-cü ilin iyun ayında başa çatması nəzərdə tutulan və 98,8 milyon ABŞ dollarına başa gələcəyi bildirilən layihə çərçivəsində teleskopu daşıyan fəza cihazı kaliforniyadakı Vandenberq hərbi bazasından "Falcon 9" daşıyıcı raket vasitəsilə uçurulacaq.

Milli.Az


Etiketlər:  NASA İlon Maskın şirkəti ilə müqavilə imzaladı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ