Əslində, mən çox darıxıram ailəm üçün - Şəhidlərin xatirəsinə həsr olunmuş ''Olmayan Bir Müsahibə ...'' (FOTO)

Tarix: 14 Fevral 2021 01:30

Bakı. Trend:

Azərbaycan yazıçı Nərminə Məmmədzadə Trend Life-a ikinci Qarabağ müharibəsi şəhidlərinin xatirəsinə həsr olunmuş "Olmayan Bir Müsahibə ..." adlı silsilə materiallar təqdim edir.

Trend-in məlumatına görə, bu material Məmmədov İkram Ehtiram oğluna həsr edilib...

- Salam, mənim balaca dostum.

- Salam, necəsiniz?

- Səni görməyə çox şadam, İkram.

- Mən də sizi.

- Gəl səninlə söhbət edək.

- Müharibədən?

- Yox, lazım deyil. Başqa şeylərdən.

- Mənim o qədər də biliyim yoxdur (gülür).

- İnsanın böyük və təmiz ürəyi olanda başqa şeylər o qədər də lazım deyil.

- Ola bilər (gülümsəyir). Siz hamı ilə belə danışırsınız?

- Bəli, çalışıram. Niyə soruşdun ki?

- Heç, maraqlıdır. Buralarda uşaqlar çoxdur, yəqin onlar da istəyər sizinlə danışsın.

- Təki istəsinlər. Ay, İkram, deyəsən sən məni sorğu - suala tutmusan, mən səni yox.

- Hə, mənə nə isə tanış olmayanda belə edirəm (gülür).

- Yaxşı, gəl səndən danışaq. Bax, mən bilirəm ki, sən həyətdə qırqovul saxlayırdın. Niyə məhz o quşları?

- Gözəl quşlardır, nə bilim bir neçəsin saxlamışdım, onları yedizdirirdim, yaxşı baxırdım onlara (gülür).

- Evdə adətən nə ilə məşğul idin?

- Mən özümə velosiped düzəltmişdim, hətta atama dedim ki, heç kimə vermə, evə gayıdanda sürəcəyəm... Amma qismət olmadı...

- İkram, evə nə zaman axırıncı dəfə zəng etdin?

- Oktyabrın 12-də. Sağollaşmağa.

- Niyə? Ürəyinə danmışdı?

- Hə... Nə isə hiss elədim ki həmişəki kimi olmayacaq. Müharibə pis şeydir...

- Bilirəm... Axı sən könüllü getdim, ay İkram!

- Hə, bəs neynəyim? Mən də getməsəm, kim gedər.

- Sən mənim balaca qəhraman dostumsan...

- Çox sağ olun.

- İkram, olar soruşum, sənin arzun nə idi?

- Mən istəyirdim ki, hüqüq mühafizə orqanlarında polis vəzifəsində çalışım.

- Nə maraqlı! Deməli, polis. Məncə səndən gözəl polis işçisi olardı.

- Məncə də. Amma mən qaldım Füzülidə... Neytral zonaya düşdük, oradan da çıxa bilmədik... Bilmirsiniz, məni tapdılar?

- Bəli, əzizim, əlbəttə! Qələbə bizimdir, torpağlarımızı sənin kimi mərd, heçnədən qorxmayan igidlər gaytardı.

- Onu bilirəm, buralarda da söhbətlər gedir (gülür).

- İnstagram səhifənə baxırdım, qəşənq mahnılar, videoların var. Deyəsən ritmli mahnılardan xoşun gəlir?

- Hə, çox. Ürəyimə yatır belə musiqi.

- Bir video gözümə sataşdı, orada olan sözlər.

- Hansı?

- “Gedirəm insanlar olmayan yerə”... O nə yerdi, İkram?

- Yəqin o müharibə idi... Çünki oktyabrın 13-də mən artıq Füzüliyə govuşmuşdum, amma düşmənləri ətrafımda hiss edə bilirdim. Mən sanki onları yuxardan izləyirdim. O zaman o yer insanlarla dolu deyildi...

- Bəs indi?

- İndi mələklərlə doludur (gülümsəyir).

- İkram, deyiləsi sözün var?

- Əslində, mən çox darıxıram ailəm üçün. Bir də yarımçıq qalan arzularım üçün...

- İkram, mən də sənin üçün darıxacağam..