Aktual mövzular: Dollar alış-satışı, Neftin qiyməti, COP29, Hava proqnozu

Tikinti materiallarının istehsalı artıb

Tarix: 20 Fevral 2021 17:24

Azərbaycanda tikinti materiallarının istehsalı sahəsində istehsalın ümumi dəyəri 41,6 milyon manat olmaqla, əvvəlki ilin müvafiq ayı ilə müqayisədə 21,2 faiz artıb.

Dövlət Statistika Komitəsindən Sonxeber.net-a verilən məlumata görə, tikinti gipsinin istehsalı 2,8 dəfə, tikinti əhənginin istehsalı 52,4 faiz, sementin istehsalı 21,7 faiz, hörmə üçün hazır beton qarışığının istehsalı 16,8 faiz, sementdən, süni daşdan və ya betondan tikinti blokları və kərpiclərinin istehsalı 14,3 faiz artıb.

Betondan yığma tikinti konstruksiyalarının istehsalı isə 10 faiz, tikinti kərpicinin istehsalı 11,6 faiz, asfaltın istehsalı 61,4 faiz, emal edilmiş mərmər, travertin, alebastr və onlardan məmulatların istehsalı isə 62,2 faiz azalıb.

Whatsapp ilə göndər