Aktual mövzular: Dollar alış-satışı, Neftin qiyməti, COP29, Hava proqnozu

“5G” şəbəkəsinin sürətli qatarda sınağı keçirilib

“5G” şəbəkəsinin sürətli qatarda sınağı keçirilib

Tarix: 23 Fevral 2021 15:33

Yaponiyanın “East Japan Railway” dəmiryolu şirkəti “NTT Docomo” mobil rabitə operatoru ilə birlikdə beşinci nəsil mobil rabitə şəbəkəsində (5G) “Alfa-X” ekspress qatarının köməyi ilə siqnalın ötürülməsini sınaqdan keçirib. Nəticədə 500 Mbit/saniyə sürətində siqnalın qəbulu, 100 Mbit/saniyə sürətində ötürülməsinə nail olunub.

 

“ICTnews” Elektron Xəbər Xidməti “Mediasat” resursuna istinadən yazır ki, testlər zamanı “Docomo” operatorunun infrastruktur və avadanlığı, eləcə də 360 km/saat sürətlə hərəkət edən “Alfa-X” qatarı cəlb olunub. İki baza stansiyası yolda bir-birindən 900 metr aralıda olmaqla 1-1,5 km məsafədə quraşdırılıb, kommutasiya avadanlığı isə qatarda yerləşdirilib.

 

Sınaqlar 4,85 QHs tezlik diapazonunda 100 MHs zolaq genişliyində aparılıb. Sınaqlar ötən ilin oktyabr-dekabrında keçirilib.

 

“East Japan Railway” və “Docomo” tərəfindən aparılan uğurlu testdən məlum olub ki, sistem həm yol infrastrukturunda, həm də qatarda video rejimində “4К/8К” təsvir ölçülü görüntünü dayanıqlı şəkildə ötürə bilir.

 

Nizam Nuriyev




Etiketlər:  şəbəkəsinin sürətli qatarda sınağı keçirilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ