Günün qoroskopu: İnformasiya axtarışı, intellektual fəaliyyət yaxşı nəticə verə bilər

Tarix: 25 Fevral 2021 00:04

Qoç - Ay və balıqların münasibətləri situasiyanın qapalı, pərdəarxası məqamlarını aşkarlayacaq, hisslərinizi əyan edəcək.

Bu gün baş verən olayların hamısı səbr, müşahidə qabiliyyəti, səhvlərinizə və yaxınlarınızın yanlışlıqlarını bağışlamaq bacarığını tələb edir.

Sosial aktivliyini gərəkli minimum səviyyəsinə endirin, təmas və əlaqələrdə isə sakitliklə dost hissləri qoruyun.
Səhhətinizlə xarici görkəminizin qayğısına qalın.

Axşam saatlarında yaxşı istirahət etməyə çalışın. İzafi çəkiniz varsa, tamahınıza hakim olun.

Buğa - Pluton və Sereranın münasibətləri günün emosional fonunu müəyyənləşdirəcək. Yeni məqsədə doğru irəliləyinişizə mane olan əlaqədən imtina edin, bəlli marağınızı qurban verin.

Yaşamın sizi seçim qarşısında qoyduğu situasiyanı inkar etmək, nəzərə almamaq mümkün deyil. Şansı əldən versəniz, dəqiqlik və konkretliyə başqası can atacaq.
Asılılıq duyğusundan qurtulmağa çalışın.

Maraqları yeniləmək, ətraf aləmlə qarşılıqlı əlaqə çərçivələrini genişləndirmək vaxtıdır.
Seçim prosesinizi sürətləndirə biləcək insanla görüşə bilərsiniz.

Əkizlər - Neptun və Uranın münasibətləri yeni nə isə etmək, işləmək, çalışmaq istəklərini azalda bilər. Bu hissə uymayın, aktiv olun. Baş verənləri təhlil edin, nə istədiyinizi dəqiqləşdirin. Yaxın ətrafınızda narahatlıq arta bilər.

Necə addım atmaq gərəkdiyini özünüz müəyyənləşdirin.

Fiziki və emosional dəstəyə ehtiyacınız var. Təhlükəsizlikdə, rahatlıqda, amanda olmaq istəyirsiniz. Müşahidə edin, hadisələrə qarışmayın, müdaxilə etməyin. Olaylara öz axarı ilə davam etməyə imkan verin. İş yerində nizam yaradın.

Həmkarlarınız barədə düşünün.
Axşam saatlarında isə yaşanan günü təhlil edin.

Həyatınızı dəyişmək, daha yaxşı yaşamaq vaxtı çatmayıbmı?

Xərçəng - Lisiteya və Umbrielin münasibətləri sizə sakit gün vəd edir. Yeni işə başlamağa tələsməyin. İşgüzar perspektivlər şəxsi həyatla uzlaşaraq düyün yaradır.

Bütün problemləri danışıqlarla, xoş söhbətlə həll etmək olar.
Münasibətlərdə həssas olun, soyuqqanlı və etinasız davranmayın.
Tələskənliyə yol verməyin.

Səhhətinizin qayğısına qalın, fiziki hərəkətlər minimumunu yerinə yetirin. Mümkün qədər çox piyada gəzin, imkanınız varsa, vitaminli qidalanın.
Axşam saatlarında evdə qalaraq vaxtınızı maraqlarınıza sərf edin.

Şir- Serera və Yerin münasibətləri günü əlverişli edir. Cari işləri görmək, sənədləşdirmək və hesabatlar hazırlamaq, müxtəlif qurumlara baş çəkmək üçün düşərli vaxtdır.

Mühüm görüş təyin etməyin. Ünsiyyət normal məcrada olsa da, konkret qərarların qəbuluna nail olmağınız müşkül məsələdir. Hansısa işdə maneə yaranarsa, tələskənlik etməyin, düşünülməmiş addım atmayın.
Detalları dəqiqləşdirin, gərəkli məlumatın axtarışı ilə məşğul olun. Daha uğurlu variantın tapılması istisna deyil.

Axşam saatlarında səhhətinizin qeydinə qalın.
Ünsiyyət dairəsini yalnız ənənəvi əlaqələrlə məhdudlaşdırın.

Qız - Mars və Plutonun münasibətləri sizdən yalnız cari işlərlə məşğul olmağı tələb edir. Hadisələrin sürətli inkişafına rəvac verə biləcək aktivlik göstərməyin.

Sizdən korrektə edən addımlar tələb olunsa da, əsasən yaşananların şahidi olacaqsınız.

Mühüm işdə və ya olayda təşəbbüsü məsələdən hali olan, problemin tez və dəqiq həll yolunu bilən adama həvalə edin.

Bədxərclik etməyin. Yaşam və işin bir bölümündə qayda yaradın, həyatınıza daha çox pozitiv enerji cəlb edin.

Tərəzi - İo və Kallistonun münasibətləri bu gün gərəksiz nə varsa, unutmağı məsləhət bilir. Qapalı, indiyədək "su altında" qalmış problemlər üzə çıxacaq. Həyatda rəngarənglik yetərincədir - nəyisə çətinləşdirməyə, mürəkkəbləşdirməyə çalışmayın.
Ailədəki dəyişikliklər işə, işdəki yeniliklər ailəyə təsir edəcək.
Ona görə də qüvvələr balansını qoruyaraq eyni vaxtda bir neçə işlə məşğul olmağa cəhd göstərin.

İş yoldaşı, şərik və ya tərəfdaşı işinizi bölüşməyə çağırmayın. Ünsiyyətdə aza qane olun.
İstənilən fiziki iş faydalıdır.

Əqrəb - Deymos və Fobosun münasibətləri sizdən mühüm işlə məşğul olmağı, yaradıcılıq potensialınızdan bəhrələnməyi tələb edir.

Əlaqələrinizi ünsiyyətdə özünüzü rahat hiss etdiyiniz insanlarla məhdudlaşdırın. Maraqlandığınız nəsnələrin axtarışlarına daha çox vaxt sərf edin.
Gümanlarınızı doğruldan, sizdən aktiv müdaxilə tələb edən məqamı diqqətdən qaçırmayın.

Hisslərdə mühafizəkar, mühüm işdə isə aktiv olun.
Yardım istəyən adama kömək edin, sizə əziz insanlardan səmimiyyət və şəfqəti əsirgəməyin.

Oxatan - Qanimed və Fobosun münasibətləri sizi bu gün dalğın edə bilər. Emosiyalar güclü, hadisələri üstələyəcək səviyyədə olacaq.

Görüş və ünsiyyətin məzmunu dolğun olaraq gözləntilərlə fikirlərinizi təsdiqləyəcək.
İntuisiyanızla məsləhətləşsəniz, ilk emosiyaya qapılmasanız, uğur sizin olacaq.

Yaşam bu gün sizə önəmli ipucu verəcək, amma tələsik qərar qəbul etməyin. Təcili hərəkət impulsuna aldanmayın.
Fikirləşin, maraqlı nə isə tapsanız, diqqətinizi cəmləyin.

Oğlaq - Avropa və Titanın münasibətləri bu gün sizə dəyişikliklərlə bağlı hissiyatınıza inanmağınıza imkan yaradır. Enerjinizi səpələməyin, özünüz üçün daha çox faydalı iş görməyə çalışın.

İmkan əldən çıxmamış məqsədyönlü, mühüm işi görüb başa çatdırın. Posçtunuzu yoxlayın. Gözləntiləriniz və planlarınızla bağlı məlumatlar ala bilərsiniz.

İşdən savayı ev, ailə üzvləri və münasibətlər də diqqət tələb edir.
Pul varsa, alış-veriş edin.

Boş vaxtınızın bir qismini ünsiyyətə sərf etmək olar. Əlaqələrin kəsildiyi adamla yazışmanı bərpa etmək olar.

Dolça - Saturn və Merkurinin münasibətləri bu gün sizdən iş yükünü azaltmağı, son günlər baş verənləri təhlil edərək nəticə çıxarmağı istəyir.

Bir qədər yavaşıyın, tempi aşağı salın. İşlər öz axarında davam edəcək. Amma önəmli yönlərdə laqeydlik etməyin. Yardım və ya kömək istəsələr, əl uzadın.

İşdə həmkarınıza kömək edərək onun yükünü paylaşmaq fikrinə düşsəniz, niyyətinizi reallaşdırın.

İnformasiya axtarışı, intellektual fəaliyyət yaxşı nəticə verə bilər.
Evdə qayda yaradın.

Yaradıcılıq və istirahət üçün əlverişli dövrdür.

Balıqlar - Makemake və Eridanın münasibətləri bu gün sizi himayə edəcək. Yaxın gələcəklə bağlı planlar qurun, görəcəyiniz işləri müəyyənləşdirin.

Səylərinizi boşuna xərcləməyin, çünki mühüm, önəmli iş görə bilməyəcəksiniz. Fəqət, ətrafınızda baş verənlərə həssas olun. Eşidilən xəbərlər, duyulan söhbətlər gələcəkdə faydalı ola bilər.

Günün ikinci yarısında ailə ilə birlikdə olun. İmicinizə zəruri dəyişikliklər edə bilərsiniz.