Silinmiş faylları bu yolla qaytarmaq olar? - TEXNOLOGİYA

Tarix: 9 Mart 2021 20:15

Əksər smartfon və kompüter istifadəçiləri önəmli dataların silinməsi halı ilə üzləşiblər.

Maraqlıdır, silinmiş faylları necə qaytarmaq olar?

Sonxeber.net ted.az-a istinadən bildirir ki, sabit disklərin işləmə prinsipi faylların silinməsinin qarşısını ala bilir. Lakin kompüter sahibləri bu problemlə daha çox rastlaşırlar. Digər tərəfdən, məlumat bərpa proqramları köhnə sənədləri bərpa edə bilir.

Silinmiş sənədləri bərpa etmək üçün xüsusi tətbiqlərdən istifadə mütləqdir. Belə proqramlardan biri də "EaseUS Data Recovery"dir. 10 ildən çoxdur, istifadə edilən bu tətbiqin şərtləri əslində olduqca asandır. "EaseUS Data Recovery Wizard" sabit diskin yaddaşını hərtərəfli yoxlaya biləcək alqoritmə sahibdir. Proqram kompüterin sabit diskindəki, USB flash  və ya microSD kartdakı silinmiş sənədləri bərpa edir. Bunun üçün aşağıdakıları etmək lazımdır:

- Yoxlanmasını istədiyiniz yeri seçdikdən sonra "Tara" düyməsini vurun.

- Bütün yaddaşı yoxlayın. Bu zaman "Silinmiş fayllar" adlı ikon görəcəksiniz. Bura bütün silinmiş fayl və qovluqların saxlandığı yerdir.

- Faylları gözdən keçirin və bərpa edin. "Silinmiş fayllar" bölməsində bərpa etmək istədiyiniz sənədləri seçin. Bunun üçün "Filtr" seçimindən də istifadə edə bilərsiniz.

- Bərpa etmək istədiyiniz sənədləri seçərək "Qurtar" düyməsini basın.

Silinmiş sənədləri bərpa etmək üçün "Piriformun Recuva" tətbiqi də mövcuddur. Amma bu tətbiqin pulsuz versiyası məhdud imkanlara malikdir. Məlumatlar çox vacibdirsə, tətbiqin premium versiyasını satın almaq məsləhət görülür.

Bir çox kiçik proqramlardan fərqli olaraq Recuva Türk dilini də dəstəkləyir. Quraşdırma zamanı istədiyiniz dili seçə bilərsiniz. Növbəti addımda proqramı şərti olaraq hansı diskin üzərinə qurmaq istədiyiniz soruşulur. Recuva-nın daha səmərəli işləməsi üçün proqramı Windows-un quraşdırıldığı sürücüyə yükləmək məsləhətdir. Quraşdırma başa çatdıqdan sonra, antivirus proqramını xatırladan kiçik bir yoxlama ilə kompüterdəki silinmiş məlumatlara baxmaq mümkündür.

Recuva-nın daha səmərəli işləməsi üçün axtarılan faylın məzmununu  qeyd etmək lazımdır. Məsələn, "Silinmiş şəkillər" sözünü qeyd edərək tətbiqi məhz bu istiqamətə yönəltmək mümkündür.

Faylın haradan silindiyini dəqiq göstərməyiniz çox vacibdir. Silinmiş faylın yerindən əmin deyilsinizsə, "yeri bilmirəm" bəndini seçin. Tətbiqdə iki rejim mövcuddur: uzun müddət əvvəl və yaxın keçmişdə silinənlər. Bu rejimlərdən birini seçərək, "bərpa et" düyməsini vurmaq kifayətdir.