Muğan düzünün suvarılması yaxşılaşır - VİDEO

Tarix: 12 Mart 2021 12:50

Bəhrəmtəpə Hidroqovşağı su kanallarına lazımi səviyyədə su ötürəcək

Sonxeber.net Real TV-ə istinadən bildirir ki, vətən müharibəsində torpaqlarımız kimi çay hövzələrinin də azad edilməsi Araz çayında suyun artımına yol açıb. Muğan-düzünün suvarılmasında əhəmiyyətli rola malik olan Bəhrəmtəpə Hidroqovşağında olan suyun səviyyəsin kifayət qədər olması suvarma kanallarına lazımi səviyyədə su ötürülmləsinə imkan yaradacaq.

Qeyd edək ki, Muğan düzündə yerləşən bir neçə rayonun suvarılması üçün daşıyıcı kanallardan bir neçəsi məhz Bəhrəmtəpə Hidroqovşağından ayrılır. Hidroqovşaqda əsas su mənbəyi Araz Çayı və Yuxarı Qarabağ kanalıdır. Buradan ayrılan Baş Muğan kanalı İmişli, Saatlı, Sabirabad rayonlarına suvarma işinində əhəmiyyətli rola malikdir. Həmçinin Cənub Muğan Kanalı Biləsuvar Cəlilabadla yanaşı Cəbrayıl rayon sakinlərinin məskunlaşdığı ərazidə əkin sahələrinində suvarılmasına xidmət edir.

Araz çayının yeni qolundan ayrılan Orta Muğan Kanalı isə 34 min hektar əkin sahəsinin suvarma işlərində istifadə edilir. Bəhrəmtəpə Hidroqovşaq İstismarı İdarəsinin baş mühəndisi Abbas Fərzəliyev bildirib ki, idarə balansında 182 km lik magistral kanal və 250-dən hidroqurğu mövüdur.

Cənub Muğan kanalının sahilində yerləşən əkin sahələrində fermer təsərrüfatı ilə məşğul olan rayon sakini Şahlar Ağayev deyir ki, kanal üzərində qurulan səviyyə qaldırıcılar hesabına Təkcə Aranlı kəndi ərazisində 286 hektar sahəsinin suvarılması dahada yaxşılaşıb. Bundan başqa yeni inşa edilən körpü əkin sahələrinə gediş gəlişi rahatlaşdırıb.

Qeyd edək ki, Bəhrəmtəpə Hidroqovşağı əsas və köməkçi su ötürücülərdən ibarətdir. Qovşaq Araz Çayı və Yuxarı Qarabağ kanallarından aldığı su hesabına əsas qapılar vasitəsilə 2800 kub metr su ötürmə qabiliyyətinə malikdir. Bundan başqa köməkçi qapılarla su tənzimləyiciyə ötürmə və aşağı qapılarla lildən təmizləmə işləri aparmaq olur.

Hazırda Hidroqovşaq qapılarından 109 kubmetrsu ötürülürki bu da suvarma kanallarının təminatına kifayət edir. İdarədən verilən məlumata görə Su Qovuşan su anbarının və Araz Çayı hövzəsinin eyni zamanda bir çox dağ çaylarının azad edilməsi ölkədə suvarma işlərinə öz müsbət təsirini göstərəcək.